رؤومـ @room_3

محررة

تعالوا اقولكم ع موقف صار لي اليوم ^^

السلام عليكم ..
كيفكم ياحوائيات : )

اليوم صار لي موقف غريب وعجيب

كنا برا وراجعين البيت ع اذان المغرب مرينا ع مسجد في مخرج 9
المهم زوجي نزلني عند باب مصلى النساء لما طلعت من الدرج تفاجأت ان الباب مسكر وفي حرمتين يصلون في السيب المقابل للباب ..
انتظرت الين ماخلصت وحده منهم سألتها قالت انو مقفل ..
توكلت ع الله وسويت مثلهم ع ان المكان مغبر وحاله والجو بارد مره ..

صليت الفرض والسنه ماقدرت اصليها لان المكان بالمره مايساعد ..
جلست انتظر زوجي يخلص ويجي وانا بهالسيب رايحه جايه ..

شوي ..

الا وينفتح باب المصلى تفاجأت مره وطلعت منه حرمتين استغربت وسألتهم من وين جايين انتم ؟!!!!!!!
ع بالي في باب ثاني يوصل ع المصلى ..

قالت وحده منهم لا انا اذا جيت اصلي اخاف يدخل علينا رجال علشان كذا قفلت الباب من داخل !!!!!!!!

تخيلوا يابنات ..

قلت لها الله يهديك انا صليت هنا بالسيب وفي حريم غيري صلوا هنا ..

ضحكت وراحت .. الثانيه اللي معاها تقول ماتوقعنا احد يجي !!!!!!

ياربي يابنات والله ارتفع ضغطي ..
معقوله في ناس تفكيرها عقيم لهالدرجه !!!!!!

وسلامتكم

قلت لكم علشان مااحد يسوي سواتهم :biggrin:

يلزم عليك تسجيل الدخول أولًا لكتابة تعليق.

تسجيل دخول

دانة سعودية • 14 سنة

شي غريب فعلآ
وكأن المسجد ملك لهم بس
استغفرالله العظيم شي يرفع الضغط

شمس2010 • 14 سنة

وش ذا الحركه
الله يهديها

الغنـــج • 14 سنة

لاحول الله صدق بعض الناس مدري وشلون يفكرون يعني هي تقفل على نفسها الباب علشان خايفه

على نفسها والناس الثانيه يصلون بالشارع عادي سبحان الله

ساعتها بيوم • 14 سنة

متأكده انهم يصلون

اخاف انهم كانوا يسوون شي غلط

الجود 22 • 14 سنة

الله يهديهم