السلام عليكم ورحمة الله وبركاته..
بقولكم قصة ولادتي السهلة والميسرة ولله الحمد وفي النهاية بخبركم شنو سبب لشكر له سهولتها...
هذي اهيا ولادتي الثالثة .. كانت الدكتورة معطتني موعد الولادة يوم الاثنين بتاريخ 14-9-2009
في يوم السبت كانت عندنا عزيمة وتعبت شوية في المطبخ..وفي الليل قبل ما أنام حسيت ان البيبي ما تحركت اليوم كثير((انتبهوا يا بنات من اول ما تدخلون الشهر التاسع لازم تحسبون 10 حركات للجنين..واذا أقل لازم تروحون المستشفى على طول)) ..فقمت احرك بطني عشان تتحرك ومالقيت استجابة الا بعد 10 دقائق..خفت انا وقلت لازم اروح المستشفى بكرة..
المهم اليوم التالي رحت العصر عند دكتورتي وقلت لها عن حركة البيبي فقالت لي ان المفروض اجيهم البارحة على طول..سوت لي سونار وقالت لي البيبي شوية تعبانة ولكن الحمدلله كل شي تمام..وعطتني تنويم على طووول وقالت لي لازم انسويلك طلق صناعي بكرة الصبح بإذن الله..
رجعت البيت وأخذت أغراضي..ورجعت لمستشفى الولادة..وطول الليل قعدت اقرى ورد الولادة وخذت قنينة ماي كبيرة وقريت فيها بعد وشربت منها ومسحت فيها على بطني وقعدت آكل رطب..
في الصباح جت الدكتورة وسوت لي سونار وقالت لي كل شي الحمدلله تمام ..وفحصتني وطلع عنق الرحم مفتوح 1ونص سانتي..ووضعت لي تحميلة الطلق الصناعي..
على العصر جات امي وزوجي وقعدوا عندي لي آذان المغرب وتفطروا..وأنا ما فيني ألم كلللش..استغربت لانه في ولادتي السابقة على بنتي جربت الطلق الصناعي وبعد كم ساعة بدا الطلق معاي..
المهم جات الدكتورة على 6 ونص ووضعت لي التحميلة الثانية وقالت لي مفتوحة 2 سانتي..وانا ما احس بأي الم يذكر..
امي الله يحفظها قالت بتنام معاي الليلة هذي..وجابت معاها زجاجة ماء ورد مخلوطة بزعفران وعسل..واستمريت طول الليل اشرب من الماء المقري وماء الورد وآكل رطب..واستمريت مع قراءة ورد الولادة..
الظاهر من كثرة شرب الماء كنت اروح واجي على الحمام الله يعزكم..وقريب صلاة الصبح لاحظت افرازات سميكة جداً مخلوطة بدم..وقلت في نفسي الحمدلله لعلها تباشير الولادة..
بكمل بعد شوية نطرووووني
yarroo @yarroo
محررة
يلزم عليك تسجيل الدخول أولًا لكتابة تعليق.
أنا الزينه
•
معااااااااااااااااااااااااااااااك
كملي متابعينك والف الف مبروك والله انا منظمه لفسم تأخر الحمل بس تصدقين احب اقرا قصص الولاده احس اني اعيش الدور
يارب تكتب لي وتقرون قصتي هنا
يارب تكتب لي وتقرون قصتي هنا
الصفحة الأخيرة