تعالوا اقولكم وشو سويت لبنتي في الام الزائره

السلام عليكم


اول شيء انا فرحانه جدا لان حفلت بنتي في التمهيدي طلعت روعه وبمااني كنت منزله موضوع ابي افكار

للام الزائره وما ان الي جاوبوني كانوا قليل مره قمت وجمعت من المنتدا افكار كثيره للا مالزائره بعضها سويتها

وبعضها لا بس كانت الحفله تجنن قلت افيدكم واقولكم الافكار كلها الي سويتها ولي ماسويتها عشان الي

عندها لا تتعب نفسها ولاشي المهم اليكم الافكار:


1- تجيبين اقلام رصاص من النوع العادي وتجيبن صمغ وريش اوخرز وتخلينهم يزينون الاقلام وكل وحده تاخذ قلمها

2- العرايس المتحركه ووتسويلهم قصه مفيده وطبعالعرايس ممكن تشترينها جاهزه او تفتحين بعض الدبب

ودخلين يدك وتسوين القصه اوتجيبن اعواد الاسكريم وتلصقين فيها صورارنب اسد اي شيء وتحركينها انت

3- التشرتات تجيبن من النوع العادي وتجيبن الوان قماش وترسمين كل وحده الي تبي سمكه تفاحه اي شيء

4- تشترين عبايات صغيره وسجادت صغيره وكتيبات تعلمهم الصلات طبعا هذا للمقرقشات ولي مايمديها

توزع بس كتيبات عن الصلات 0

التوست توزعين على كل وحده وتخلينهم يقطعونها بالكاس وتصير دائره وتدهنيها لهم بالكتشب وتخلينهم

يحطون العيون من الزيتون والخشم جزره والفم فلفل الخدود جبن شيدر ويصير شكل وجه اوتبين تسوين

لهم نفس الطريقه بس حالي تحطين عسل والعيون كريمه والخشم فراوله 0

5- تجيبن جرايد تفرشينها على الارض وترسمين كل واحد فيهم وتعطينه رسمته 0

6- تجيبن صندوق اوفازا وتحطين فيها اوراق صغيره وتكتبين في كل ورقه طلب مثلا نطي سبع نطات

غلدي صوت العصفوراوصوت القطه ودوري خمس مرات قولي انشوده وتخلين طفلك يختاراحد الاطفال يسحب

ورقه0

تجيبن شمعتين ومسدسين الي يرشون مويه وتولعين الشمعات ومين اسرع يطفيها

تجبين حبل ومشابك غسيل لونين وتختارين طفلين وتخلينهم يدورون المشابك بعد ماتكوني خبيتيها عند البنات

وتخلينهم يدورونها ويحطونها على الحبل ولي تجمع اكثر تكسب0

تجيبن كب كيك وتوزعين كل وحده علها وحده وتجيبن كريمه بالشوكلاته اةفانيلا اوفراوله وتخلينهم يغطون

الكيك فيها ويزينون فيها وجيبن تزين الكيك الي الوان وتخلينهم يحطونها عليها وتجيبن المضلات الصغيره تلقينها

في ابو ريالين والكريمه اذاماتقدرين تجبينها جيبي حليب نستله وتضيفين له ملعقه شوكلاته اوتجيبن صبغه الوان

وتحطينها على حليب النستله

6- تجبن لهم لولو اوخرز وتوزعين عليهم خيط مطاط وتخلينهم يسون اساوروعقود

7- تسوين بطايق من ورق الملون وتخلينهم يحطون عليها قص ولزق اولزيقات اواي تزين وتقولين لكل وحده

تعطيها للي تبي

8- تجيبن البوم صور الطفل وتشرحين لهم وين صورتي الصوره وكم كان عمرها وهاكذا

9- الزرع الي تقدر تشتري الزرع الي يطلعبعد كم يوم وتوزع على كل وحده اوتجيب كاسات ورق وتحط فيها

قطنه وفول وتبللها وتقوللهم كل وحده تسويها ولما تطلع تذكر طفلي

10- تجيبن فرش اسنان من برضوابوا ريالين ومعجون اسنان صغيره وتوزعين عليهم وتكلمينهم عن فوائد

غسل الاسنان وان الي مايغسل اسنانه تسوس وهيك يعني

11- تجيبن لوح فلين مضغوط اوكرتون ابيض وتقسمينه اثنين القسم الاول الاكل الصحي والقسم الثاني

الاكل الغير الصحي وتوزعين عليهم كل واحد عصير وسندويش وبيض

12- تسالينهم اسئله تفتح باب الخيال مثلا انت ماشيه ولقيتي تفاحه طايحه وشو تسوين

13- تجيبن صابون ابو ريحه وتجيبن مبشرات وتخلينهم يبشرون الصابن وجيبن اكياس صغيره اورغنزا وتحطين

الصابون فيه وتخلين كل وحده تحطه في دولابهم

14- تجيبن فاكهه وتسوين سلطه وتوزعين عليهم اعواد شواء وتخلينهم يدخلون الفاكهه فيها

15- تجيبن لهم رسمات ورمل ملون وصمغ تخلينهم يحطونها على الرسمه

16- تجيبن اعواد الي تنباع ملونه حقت الاسكريم وتخلينهم كل وحده تسوي برواز صور وتصمغينه بالصمغ او

تتبسينه بالدباسه

تجبين قصه سندرله او ليلى وذئب او العنزات السبع اوي قصه وتوزعين عليهم اوتقصين لهم قصه وجبين لهم

كيك وعصير وتوزعين عليهم اوتسوين بتزا الصغار وعصير

وشرايكم ان شاءالله تعجبكم الافكار وتستفيدون منها ابي اسمع ردودكم...........الماهرات