تعالوا اقولكم وش حطيت بشعري ....الحين

مرحبا خواتي وعزيزاتي

انا من الملل ومن تساقط شعري قلت بجرب خلطه قريتها هنا بالمنتدى ومادري من صاحبه الخلطه وقلت خلني اتوكل على الله واجرب

المهم قمت ياطويلات العمر ودخلت المطبخ من الباب طبعا (( متفرغه تنكت خلصي بس :mad:))

وخذيت لي غوري وحطيت فيه بصله مقطعه اربع قطع و2 فص ثوم وزعتر ورق وميراميه وماي وخليته يغلي وعقب طفيت عليه وخليته يبرد شوي

خلال مايبرد جبت لي مله او طاسه وحطيت فيها سدر ومحلب والياس وعجنتها بالماي اللي حطيت فيه الخلطه
وضفت عليها شوي روب

المهم حطيتها بشعري 4 ساعات وغسلت شعري صراحه اللي لاحظته بعد الغسيل

نعووووووووووووووومه واحس شعري صار حيوي مع العلم اني كنت خايفه من الثوم ان يطيح شعري بس الحمدلله

بس اللي شعرها جاف او خشن لازم تحط زيت عشان ماينشف اكثر

واعتمدت باذن الله هالخلطه مره بالاسبوع احطها وسط الاسبوع وفي نهايه الاسبوع احط حناااااااا

ادعووووووووووووولي هالخلطتين ان شعري يكثف ويطووووووووووووول ويرجع نفس قبل تكفون الله يوفقكم

بس لي طلب اللي استخدمت هالخلطه اللي فيها بصل وثوم تكتب لنا نتايجها وتجاربها عشان الكل يستفيد ويتشجع

ملااااااااااااااحظه ؟؟

قبل لاتحطون هالخلطه او اي خلطه قولي .. (( بسم الله الشافي بسم الله المعافي بسم الله اللذي لايضر مع اسمه شي في الارض ولا في السماء وهو السميع العليم ))

والله يطول ويكثف شعري وشعركم ياكريم :icon28: