السلام عليكم ورحمة الله وبركاته
هلا فيكم خواتي
باقول لكم عن سلطتي المميزه في الطعم
المقادير :
نص كيس معكرونه من الصغار
نص كيس ذره او ممكن تستخدمين علبه كامله من الذره المعلب
خيارتين تقطعينهم صغار
طماطين تقطعينهم صغار
3 ملاعق مايونيز
3 ملاعق جبن غراش
روب (مااقدر اقول لج الكميه بس اهم شئ ان السلطه تكون مترووووووووسه روب )
علبة لبنه (مراعي )
وجبن مبشور
وشويه ملح وفلفل اسود
الطريقه :
اول شئ تفوحين المعكرونه
وعقب تفوحين الذره اذا كان الذره اللي في الاكياس اما الذره المعلبه ماتحتاج شئ
ولما استوت المعكرونه
تجيبين الوعاء ويكون غزيز وتحطين المعكرونه والذره والخيار والطماط
وعقب تحطين المايونيز والجبن واللبنه
وعقب تحطين الروب وشوفي اذا السلطه محتاجه بعد ولا لاء
ومثل ماقلت لج لازم تكون السلطه متروسه روب
وحطيه شويه ملج وفلفل اسود وذوقي طعمها اذا كانت تحتاج ملح ولا لاء
وفي النهايه غطيها بالجبن المبشور
وذوقي طعمها
وااااااااااااااو
كل وحده تزورني البيت اسويلها هاي السلطه تسالني على المقادير
وصاروا اذا زاروني البيت هم يطلبوني مني اسويها لهم
وان شاء الله تعجبكم
يارب
نصفي الثاني @nsfy_althany
محررة برونزية
يلزم عليك تسجيل الدخول أولًا لكتابة تعليق.
bnt q8
•
مشكوره وتسلم الايادي:)
سكربغداد
•
شكرا حبيبتي على هالوصفة الحلوة بس ماقلتي الجبن المبشور اللي تستخدميه اي نوع وشاكرة لج تقديمج للوصفة
الصفحة الأخيرة