تعالوا اقول لكم ليش الخلطات تفيد ناس وناس

السلام عليكم ورحمة الله وبركاته

خواتي انا شفت الكثير يكتبون خلطات وفيه ناس تجربها وتستفيد وتمدحها والبعض يقعدون يتهاوشون ويقولون خلطتك مامنها فايده ومن هالكلام وانا بعطيكم بعض الاسباب

اولا السبب الرئيسي التغذيه من الداخل ..يعني الي ماتهتم في غذائها وماتشرب ماء وايد ماراح تفيدها اي خلطه:(

السبب الثاني العمر ...والعمر له تاثير كبير يعني كلما كانت الوحده صغيره كلما فادتها الخلطه او الكريم بصورة اسرع ..لان المشكلة الوحده كلما تكبر يقل عندها انتاج الكولاجين ..مادة الكولاجين اذا تقل تسبب ظهور التجاعيد ..
فانصحكم بشرب كمية كبيرة من الماء على الاقل 8 اكواب باليوم لانه يزيد من انتاج مادة الكولاجين و اكلوا الفواكه الي تحتوي على فيتامين C و البرتقال والفواكه الصفراء غنية بهالفيتامين لان فيتامين سي يساعد على تكوين الكولاجين في الجسم

النوم والحالة النفسيه بعد لهم ثاثيرعلى جمال البشرة...اعرف وحده ماشاء الله عمرها بالخمسين بس تبين في الثلاثينات وبشرتها حلوووه وصافيه وشعرها كثيف حتى زوجي يقول شكلها صغيره مايبين عليها ماتستخدم كريمات وهالسوالف لكن الي اشوفه تحب النوووووم يعني تنام الساعه 9 في الليل وتنام الظهر شوي الشي الثاني تاكل فوااااااااكه يعني زوجها يجيب كراتين فواكه ماشاء الله تطيرها بسرعه ههههههههههه..وتشرب حليب ..وهي ماشاء الله مرتاحه نفسيا ..ادري الحاله النفسيه حسب الظروف ومو في ايدنا نتحكم فيها

فنصيحة لكم خواتي اذا تبغون بشرة حلوه وشعر حلو اهتموا بغذائكم ونومكم اما الخلطات والكريمات هاذي اشياء ثانويه