تعالوا اقول لكم وش قالت لي الدكتوره

السلام عليكم ورحمة الله وبركاته

كيفكم بنات حواء وشخباركم ؟؟ عساكم بخير وعافيه

انا رحت من شهر افحص وقالت لي الدكتوره كل شي سليم والحمد لله لكن سبب تأخر الحمل وعدم انتظام الدوره هو عندي ضعف بالتبويض ..الدوره صارت تجي عقب شهرين
وقالت لازم انزل وزني لان هو السبب..مع ان وزني عادي حتى اختي من قلت لها الكلام استغربت قالت انت جسمك زين ليش جذي!!

انا صح زاد وزني عقب الزواج 10 كيلوات يعني كنت بالخمسين وصار بالستين بس جسمي زين لان انا طويله ..وتقول الطبيبه هو السبب بعدم انتظام الدوره ولازم ترجعين مثل قبل :29:

شرايكم بكلامها وللحين ماعطتني اي علاج ..وكل مره تعطيني موعد وتسوي فحص بس ماتعطي اي علاج

والطبيبه الي قبلها قالت لي عندي ضعف بالتبويض والتهاب ..بس ماقالت من الوزن
وعطتني كلوميد ودوفاستون واستخدمته لشهر واحد وتركتها