تعالوا الي عندها بنات نتناقش بموضوع يخص بناتنا

عن تجربه ضروري ياامهات اذا جيتوا تروحوا السوق خوذي بناتك من فوق عمر 4سنوات واساليها وش رايك حبيبتي بالبس مثلا قالت ماهو حلو وانتي مره عاجبك قوليله نجرب نشتريه ونركب معاه اكسسوارات وشوز ونشوف والله ان عندي 6 بنات اكبرهم 15سنه اني ارسلها تشتري لخواتها ومااحد يصدق انها بنتي يقولون كنها انتي الي مختارته لا وازيدكم من الشعر بيت صرت اقول للي بالابتدائي من اول وانتي طالعه اختاري لبسك وجيبي اكسسواراتك ونشوف مع بعض طبعا مرات راح تجيب شغلات وعععععععععععع قوليها حلو بس وش رايك تجربين معالبنطلون الثاني او البلوزه الثانيه والله مع الوقت راح تشوفين الذوق حتى هم يصيرون عندهم ثقه بانفسهم وصاروا يكشخون ويجون شوفي ماما وش رايك فينا طبعا لابد من لمسات الماما تفاعلوا معاي وابغى تجاربكم بالموضوع او اي شي غرستيه فيهم وش الطريقه علشان الكل يستفيد