تعالوا ايش الحل مع امي اللي ماتمسك الكلام دقيقة

السلام عليم ورحمة الله وبركاته
بدخل بالموضوع على طول مع أني احس أنه حيكون ملخبط بس اتحملوني المهم القصة وما فيها اختي أكب وحدة تخرجت من الثانوي الحمد الله وبنسبة ماشاء الله تبارك الرحمن 99 وشي المهم احنا كنا نبغا نفرحها نسويلها حفلة وأمي قبلها كانت مخططة تسوي عزيمة قالوا اخواتي هرجة الحفلة لأمي فقالت ندمج الحفلة والعزيمة حقة الحريم مع بعض قلنا اوك بس مو اكيد أمي نشرت الكلام حفلة تخج بنتي يوم كذا المهم أمي اشترت لها هدية سامسونج جلكسي نوت المهم كمان أمي قالت يا أمي ليش قلتي تقول عادي جارتنا أم فلان راحت معايا السوق ومدري جات علينا فجأة فلانة وفلانة يدروا خلاص لاهو سر ولاهو هدية خرب كل شيء تخيلوا اليوم اللي بعده على طوول 7 بعد المغرب وهما راجعين من السوق نزلوا عند الصيدلية اللا جاء واحد بسيارة وشحط أختي والجوال ماكمل 24 ساعة اللا انسرق والحين شرطة ومخافر ويدوروا الرجال ومدري ايه أنا اقول عين ما صلت عالنبي ماكان لازم أحد يعرف الحين كل وحدة لقايفية كل يوم تتصل ها ايش صاار ايش قالولكم وكل وحدة تتفلسفاقلكم اتنازلوا عن المشاكل بالله ايش الإزعاج ذا والحفلة اتكنسلت و امي تقول ما تحمل تجين كااشخة لايصير فيكي شيء والمسكينة زعلاانة لا هدية ولا حفلة وكل شيء رااح ولا كماان سكننا بيت جديد من شهرين ونص وفرشنا اغلبه اللا كل وحدة تجي طحنتوا على بيت مافي ماشاء الله وتعليق عالعفشش اللا الجمعة جونا ضيوف طاولة الأكل انكسرت من ايكيا جديدة آآآآه بس من أمي كل شيء تعلم كل جدة درت ولا سلام بس ايش صاار احس صرنا شماتة....ايش رايكم ايش اسوي بأمي