تعالوا بسرعة صفوا وجهكم راح اعتمده طول عمري

السلام عليكم وحمة الله .. بنات اقسم برب العباد انه بعطيكم وصفة تخلي وجهكم صافي وناعم من اثار الحبوب والجلد الميت يلا يا حلوات انتبهوا معي :
جيبي ارز مصري اسمه (صن وايت ) اللي يجي حبة صغيرة ولونه مائل للابيض بدون ما تغسليه جيبي حليب نادك ابو ريال كامل الدسم واللي بشرتها تتحسس من الحليب جيبي ماء ورد .. ( ملاحظة بشرتي حساسة ) خذي نصف كوب ارز وقارورة الحليب الطازج ابو ريال وانقعي الارز من بالليل في الحليب وخليه بالثلاجة تحت .. الصباح خذي المنقوع واخلطيه في الخلاطة بس لا تخليه ناعم مررررة يعني خلي فيه شوووووووية خشونة بس يصير قوامه زي اللبن ... خذي من الخليط مقدار يكفي وجهك ورقبتك وحطي عليه ملعقة عسل الشفاء اللي لونه زي الشاي احمر داكن تراه عسل اصلي جربت كل انواع العسل بشرتي تتحسس منها ما عدا هذا طبيعي جدا .. اخلطي ملعقة العسل مع الخليط وحطي ملعقة دقيق قمح ابيض او نشاء اللي يناسبك وحكي جيدا لين يتماسك .... نظفي وجهك جيد جدا بماء داااااافي انا استخدم سيتافل للبشرة الدهنية حلووووووو مع فرشة بودي شوب الناعمة ... وجهك صار جاهز ونظيف !!!؟؟؟؟؟ حطي الخليط طبقة سميكة علي وجهك وابعدي من الهواء خليه ينشف براحته .. حوالي 30 دقيقة او 40 دقيقة خلاص يصير نشف روحي وانتي بكرامة الحمام ودلكي وجهك شوية شوية بدون حماس 😁😁😁 لمدة 4 دقايق لين ينزل كل الخليط بالمغسلة وركزي علي مكان البقع اغسلي وجهك بماء دافي وبعدين ماء بارد لسد المسامات .. وشوفي النعومة والنضارة ..رطبي بشرتك بالمرطب اللي يناسبك بدون عطر . اذا ما جاب نتيجة معك من اول مرة كرري المحاولة عشان يمكن بشرتك فيها جلد متراكم .. والله والله والله والله والله انه قناع حلووووو جدا جدا يناسب كل انواع البشرة ويساعد علي امتصاص بشرتك للكريمات الليلية والمغذيات جربوه واعطوني رايكم