تعالوا بسرعة ضروري قبل العيد

السلام عليكم ياحبوبات

طبعا إن شاء الله الموضوع هذا مو جديد وكل وحدة إن شاء الله مذكرته بس معليش حبيت اذكركم وزيادة الخير خيرين

حبيباتي طبعا هالأيام كلنا نتجهز للعيد إن شاء الله والحمد لله رب العالمين على النعمة والصحة والعافية اللي إحنا فيها

الحمد لله إحنا قادرين نشتري ونتسوق لعيالنا بس غيرنا والله ماهم قادرين والله إن اليوم ماقدرت امسك دموعي أنا وزوجي مر علي موقف مرة كان يحزن أمس سويت حملة على دولاب عيالي وطلعت كل الأشياء اللي صغرت وكان أغلبها بحالة ممتازة المهم كويته وطبقته وكل طقم حطيته مع بعض وحطيت معه بجامة ولبس داخلي وحطيته بكيس حتى الجزم الله يكرمكم أنا متعودة أعطيه وحدة تصرفه بمعرفتها لما كنت في الرياض بس المرة هذي علشاني في جدة فقالي زوجي يالله ندور أنا أشوف محتاجين في حارة من الحارات يالله نوديها أول مرة يابنات اشوف الموقف هذا والله من يوم وقفت السيارة وطلعت الأكياس مادريت إلا حريم كثير وبزران متجمعين علينا بالسيارة وكل واحد يقول أنا أنا والله يابنات حز بنفسي كثير اللي ما أخذ ضاق صدري عليهم وتمنيت إني لو أقدر أعطيهم كلهم ولا أرد أحد وخنقتني العبرة ونزلت دموعي لا شعوريا أنا وزوجي الحمد لله أحنا بخير ونعمة
المهم يابنات كل وحدة تسوي جولة على دولاب عيالها الحين وقبل العيد يمكن تقدر باللي تحس نفسها ماتحتاجه تقدر تدخل فيه فرحة بنفوس ناس ثانية وياليتكم بس شايفين الفرحة اللي شفتها والحمد لله رب العالمين .