خليها على ربك

انا مسجله بنتي بالروضه هي وبنت عمها

تخيلو يوم رحت اخذ بنتي لقيتها صافه هي وبنت عمها مع الاطفال اللي يروحون بالباص؟؟؟؟

انا انصدمت قلت وش جايب بنتي مع هذول لا ويوم قلت للمعلمه البنتين مايروحون بالباص قالت سألتها قالت ايه...

وش يعرف البنت لو قلتيلها يلا نروح بتقول معك مب قايله لا؟؟؟

اثار يهم ينادون على وحده شايله نفس اسم بنتي وبنتي المسيكينه رفعت يده ...

لا والطامه الكبرى هذي البنت غايبه ؟؟تخيلو

وربي خفت لو تأخرت 5 دقايق كان هالبنتين راحو بالباص ...

مافي اهتمام وحرص على الاطفال مايدرون ان هالاطفال امانه عندهم الين مايرجعون بيت اهاليهم؟؟؟

ماخليت هالموضوع يعدي رحت للمديره وحكيت لها الموقف وقالت راح تتفاهم مع المسؤاله عن الموضوع ...

وقامت تقول اصلا راعي الباص بيرجعهم لاان اسمائهم مو مسجله عنده والكروكي حق البيت مو عده ؟؟؟

قلت دامكم طلعتوهم من عندكم كيف بينتبه السايق؟؟؟؟واكيد بيوصلها لبيت ذي البنت الغايبه ؟؟؟


يارب احفظ اطفالنا ...

الله يحفظ عيالنا وبناتنا من كل شر

انا دخلت بنتي بدار العصرلاكن للاسف ماجازت لي ابد

تخيلو البنت عمرها اربع سنوات وش عرفها اذا طلعت تركب بنفس الباص حقها

اهمال لدرجه فيه اطفال اهلهم ينزلونهم علي بالهم دخلو مايدرون انهم باالحوش جالسين انواع الصياح ولا احد عبرهم

والمبنى كبير مره انا الام اضيع وسطه وشلون الاطفال والله صفتهم المعلمه طابور وانا كنت واقفه وطلعتهم لفصولهم شوي بنص الدرج تقولهم هاذي العباره (الي معه شنطته يطلع لساحه والي شنطته فوق يجي معي )باالله اطفال اعمارهم اربع وخمس
وذهنهم متشتت كيف بيفهمون هاالعباره لدرجه اشوف بنتي بس واقفه انا ناديته قلت انزلي
المشرفه الي مع الباص يوم اركبه بس نامت والله فيه ولد كبر بنتي انه طايح محد دري عنه مافيه ذمه

مشكورات بنات الي رديتوا بس انا رحت للمديره وقلتلها عن الولد قالت هم صغار ويبكون وش نسوي فيهم والله بس يعين

ع حسب روضة عيالي مستحيل الطفل يطلع برا الفصل وحصة اللعب الخارجي يطلعون بطابور

وبأدب وتجلس عندهم والساحة مضلله من الشمس

والحمام تروح معاهم المراقبه

وفية اطفال عندهم حركة زايده يطلعون بسرعة وهي ماتلاحظ

لأن كم طفل بيكون عندهاا

الله يحفظهم لأبد توكلينه الله قبل الخروج ..

كان رحتي للمديره وقلتي ليه الولد برا كذا عيالنا بيهيتون بالساحه؟

خليها تتصرف