تعالوا بسرعه شوفوا يومياتي وقولوا رايكم

هلا وغلا بالغاليات عساني ما انحرم منكم
تدرون يالحلوات انا كانت حياتي كسل في كسل كنت كله سهر على النتي لين الصبح ومادري عن شي في البيت حتى ولدي يروح ويرجع مع الباص والخدامه تفطرهوتنزله الباص
واليهال طول اليوم عنده الخدامه مادري عنهم وانا اذا صحيت يا بالصالون اسوي شعري يا طالعه مع صاحباتي
لين جاني يوم حسيت فيه اني ولا شي....
والله يابنات مادري شجاني
المهم غيرت حياتي وتعوذت من الشيطان وبطلت سهر وبطلت النت والتلفزيون
الا في وقت فراغي اذا ناموا عيالي
تدرون حلف على نفسي ما اخلي عيالي ولا دقيقه بروحهم الا اذا ابوهم قاعد معاهم اروح السوق او الكوافيره
المهم وقفت الباص وصرت انا اودي ولدي واجيبه يعني اصحى اصلي الفجر وانام شوي واصحر الساعه 7 اودي ولدي المدرسه وارجع اجهز فطور زوجي علشان يروح دوامه لأنه مايروح الا لمن انا ارجع علشان ما اترك بناتي بروحم مع الشغاله.
المه افطر زوجي وبعد مايروح انظف غرفتي واوقف على راس الشغاله ونظف البيت كله واجهز غداي واصحي بناتي على الساعه 9 واسبحهم وافطرهم واجلس معاهم العب شوي واروح اسوي غداي والساعه 1 اروح اجيب ولدي من المدرس والبنات معاي وزنرجع اغديهم واذا رجع زوجي اغديه واتغدى معاه
وبعدين اخليه ينام يرتاح وادرس ولدي لين الساعه 7 يكونون خلاص تعبانين بينامون اعشيهم وانومهم واهني اتفضى حق نفسي يا اجابل النت واذا تعبانه انام واذا رجع زوجي اصحر له اجهزله قهوته واغراضه واستاذنه وانان تصدقون يا بنات والله نفسيتي تعدلت وزوجي صار عسل معاي
وما يطلع كثير وصار يهتم فيني واكسر خاطره يقولي روحي ارتاحي واذا بتطلعين انا اجلس مع اليهال انتي ارتاحيومع هذا كله لاتنسون ذكر الله ولاتسبيح والستغفار
ودمتم سالمين