تعالوا بعيد عن هموم الغربة واهاتها وكل وحده تقول عيارتها

وش عيارتك وانتي صغيرة صغيـــــــر ؟؟؟



الســـــــ عليكم ورحمة اللة وبركاتة ــــــــــــلام


واحنا صغار ....كانت طفولتنا زاخرة بكل انواع الترفية البرئ ...

وكنا نمارس طقووس غبيــــــــة مدري وش تبي .....مثل رسم الساعة على اليد ..!!

وكان الاخ او الاخت الرسام يقعد في زاويه في آخر المجلس ويصفنا طابور

وكل واحد يرسم له ساعه وشكل على جنب ان كانت بنت رسم لها جنب

الساعه ورده خخخخخخخخ

وان كان ولد رسم له كوره قريب من الساعه او على كتفه

كل واحد يقول تكفى ارسم لي ساعة ....... وشوف عقبها التفاخر الي يقول

ساعتي ازين من ساعتك لا عاد القوي الي يرسم ساعتين كل وحدة في يد

خخخخخخخخخخخخخخخخخخ

والله طفولة فيها ذرات براءة + شح موارد ترفيهية + قناعة لا تفنى

خخخخخخخخخخخخخ

ومن اهم مظاهر الطفولة المعايير او العيارة ....كل واحد في بيتهم وصف ..

يطلقون اخوانه عليه ....ولما يتضاربون شف حمى التقاذف باالعيارات ....


الاسود ...العبدة....العصلاء .....ابو براطم ....السيرلانكية...الدافور ....الدبة
ام اربع عيوون ........يعني اشكال والوان من العيارات تفطس ضحك

خخخخخخخخخخخخخخخخخخ


عاد الحين جينا للزبدة ....

وش عياراتكم وانتو صغار
...ولا وحده تستحي ترانا احنا اخوااات ....
ونبي نضحك ونفرفش ....وابي منكم شجاعة
. ادبية انكم تقولونها والله بيصير الموضوع
وناسة وفلة


واببدا بنفسي

انا كانت عيارتي قرقر:)

>>>فرحانه
بس لاتعلمون احد
مع اني مالي دخل فيها بس مدري ليش علقت فيني
كان جدي الله يرحمه
رايح معنا لحديقه واشترينا همبرقر وحنا صغار
وكل بزر يجي لامه عطيني خمسه ابي خمسه والاصوات تعلى

قال وش عندهم البزارين وش يبون
قالوا بيشترون همبرقر

قال اشري قرقر بخمسه
وعقبها علقت فيني ليش مدري

__________________

يالله عاد ياحلوات ورونا همتكم