تعالوا بقولكم حكايه ولعتنيييييييي

السلام عليكم.

بنات انا قبل كدا نزلت موضوع بعد ما نظفت مطبخ والناس عجبهم واتعدى الثلاثين صفحه المهم انه عندي في المطبخ الاركان فوق المغسله وفوق الفرن دواليب شفافه ودحين ابغى اغيرها واسوي شفاف مثلج عشان يخبي الاشياء اللي جوتها عشان استفيد من الدواليب
المهم رحت لنفس الرجال وزوجي لقى معلم وكلمه وكل شي وانا قاعده في السياره مع اولادي جابلي زوجي كتالوج مطابخ من عندهم اتفرج على الشفاف المتلج وبعضه مربعات وبعضه عليه وردات واتفقنا

بعدين حبيت اشوف اللي فيه ورد واولادي نايمين في السياره قلت لزوجي استناني في السياره بشوف وارجع وادخل المحل ولتفرج قلتله وريني الكتالوج اللي وريته لزوجي اشوف المربعات المهم صار الرجال يقلب صفحات الكتالوج عشان يطلعلي الرسمه اللي قلتله عليها واذا فجاه







































تطيح عيني على صورة مطبخ












مني مصدقه عيوني.













نفس مطبخي. نفس القدر عندي




نفس الطاوله


نفس التلاجه. نفس الفريزر. نفس الميكرويف. نفس تلاجه المويه. جهاز البخار. غلايه المويه نفس الصحون قلتله دا مطبخي. هدا مطبخي.





قلتله لحظه اخد الكتالوج و روحت السياره وريتها لزوجي. قلي عشان تعرفي اي شي تحطي في النت خلاص يتداول. مسويين يابنات كتاوج كامل مطابخ وباينه انه حقت ناس صور من النت يعني ياريت مطابخ هما مركبينها ويصوروا بعد التركيب بياخدوا صور مطابخ من الانترنت ويقولوا انها حقتهم.


رجعت للمصري وقلتله انتوا من فين جايبين الصور دي ؟؟؟؟؟قلي نشتري الكتالوج قلتله من فين قلي من الصناعيه قلتله دا مطبخي من فين جايبين الصوره قلي احنا نشتريه جاهز وطبعا قدامه صورت الكتالوج من بره وعليه رقم عشان ابغى اتصل اليوم العصر واهزئهم








بس ايش شعوركم لو كنتوا في مكاني والله انقهرت اني حطيت صور مطبخي في الانترنت ودحين مستحيل احط اي صوره لو ايش !!!

:06::06::06: