تعالوا بنات بالله بسرعه..

والله يوم تضيق بي الدنيا واحتار انتن اول احد افكر استشيره اساسا مالي غيركم بعد الله
بالله يابنات لو انك مكاني وش رايك
انا جمعت 2000 كنت بسوي ليزر فراكشنال فيه شووي آثار حب بخدودي بس مدري ليه ترددت كثير فيها من ناحية انه يخف بس مايروح كله نهائي ومن ناحية الألم القوي له
ولدي عرفتوه من كثر مااسولف عنه ماتكلم الحين هالسنه بدأ بالكلمات وجمله من كلمتين ويعرف الألوان والأشكال بس تحسين إذا خربط بالكلام انه فيه مشكله بسوالفه
كل مركز ينصحني بالاهليه علشان يتحسن وماينتكس أكثر حتى مركز سلطان بعد مواعيد وجلسات تخاطب سنه قالوا حاولي اهليه يدخل علشان أفضل له ومايستبعدونه الحكومي
قسط الترم 4الاف وزوجي جمع الفين وعليه اصلا قرضين ويفكر بأحد يقدر يتسلف منه
واصلا إذا تسلف راح يفكر يسدد مع ان المفروض يكون يجمع حق الترم الثاني
انا محتاره اعطيه الالفين ويكتمل المبلغ ونسجله الان التسجيل لأنه ولدي وقلبي محروق عليه خصوووووصا أن المدرسه أمس يوم قال كم عمره قلت 7ونص قال لازم يجي مقابله شخصيه نتأكد انه كويس وعقليته تمام انا قفلت الدنيا بوجهي خايفه يرفضونه ويضيع ازود ويصير فوق ثمن سنوات وهو لادراسه ولا شي وانقهرت
سمعني ولدي اكلم المدرس وقالي الا ابي مدرسه دمعتي نزلت يوم قالي ابي ادرس والمجتمع مو فاهمه ولا يحسون انه ذكي
وش رايكم اعطيه اللي مجمعته احسن مايتسلف أو انتظر لييييين يفكر يتسلف لأنه مطول يبيله فوق الشهر على كلامه
وطااااالبتكم يابنات من قلب أم محروق انكم تدعون له ينقبل امنيتي من ولدته يلبس شنطته ويروح المدرسه ويجي يسولف علي 😭😭😭