حبيت احكي لكم عن ولادتي ....اولا الحمد لله حمدا كثيرا طيبا مباركا فيه ...الحمد لله العظيم حمدا يليق بجلال عظمته وعظيم سلطانه ... الحمد لله مفرج الهموم ومنفس الكروب ....
ثانيا ..اطلب من كل من تقرأ موضوعي في هذه اللحظه ان ترفع يديها للسماء ووتدعي لكل مسلمه محرومة ان الله يرزقها الذرية الصالحة عاجلا غير اجل واي مسلمة فقدت ضنى ان يعوضها الكريم بحوله وقدرته انه سميع مجيب....
انا ياحبيباتي عندي طفلين من اول وبعدين حملت وسقطت وبعدها كان الحمل الرابع وفي حملي الاول ولدت على الموعد بس زدت يومين وولدت والحمد لله طبيعي ..الحمل الثاني طووووووفت عالتاسع عشرة ايام وولدت بطلق صناعي عشان كذا حملي هذا كااان متعبني مرررررة في ظهري خاصة بعد ما دخلت السابع وصراااحة كان حمل متعب جدا الله يكتب الاجر يااارب
وكنت خايييفه موووت من اني اطول واعوووشر ويعطوني طلق صناعي وكل البنات اللي معي في التجمع عارفين معاناتي وفعلا خلصت التاسع وكان يوم سبت ورحت موعدي عند الدكتورة وقالت نعطيك مهله ليوم الاحد الجاي 28 يونيو وبعدها صناااااعي....انا خلااااص نفسيتي صاررت زفت:44: وكل يوم يمر علي كأنه سنه....ولا يفوتكم من اول التاسع تجيني الام طلق وكل يوم اقول خلااااص اليوم باولد واذا نمت او اخذت شاور تختفي وعلى هالحال بس يوم خلصت التاسع ودخلت العاشر(طبعا هذا على حساب السونارلاني حملت بعد اسقاط فما اعرف متى حملت بالضبط)المهم بعد ما دخلت العاشر كل هذي الالام اختفت واقول لزوجي يقول :هذا الهدوء اللي يسبق العااااصفة خخخخ :09:
والله يابنات هذاك الاسبوع كان تحفة ما بقى احد الا واتصل :مااااولدتي:surprised؟؟؟؟؟؟طبعا كل وحدة في التاسع تككككره هذا السؤال فما بالكم بوحدة معوووشرة ؟؟
المهم تمشي الايام وانا في حالة ترقب وانتظار:angry: لهذا الطلق جاء يوم الجمعه ومافيه اي الم او بوادر طلق وانا كل الايام اللي بل ادعي ربي بتسهيل الولادة بس يوووم الجمعه غيييير وانتو عارفين بركة الجمعه وساعة الاجابة فقبل صلاة المغرب جلست ادعي يابنات وادعي وادعي وبصراااحة حسييت براااحه وطمأنينه وانا ادعي وسبحان الله الانسان لما يكون في ضيق وهم ومكرووب والله ماله غير باب الله واالله سميع مجيب هو اعلم بحالك وكربك
جلست ادعي وابكي واقول يااارب تصرف عني الطلق الصناعي وتجعلها ولادة طبيعيه ياااارب وتجعل لي من العسر يسرا وطبعا الشيطان:30: يدخل في هذي اللحظات ويحبطني صراحة يجيني احسااس اني ما راح اولد طبيعي واني خلااص باستسلم لهم وطلق صناعي ووووو بعدها اقول اعووووذ بالله من الشيطان الرجيم يااارب لا تجعل للشيطان علي سبيل ..يااارب لا تجعلني من القانطين ...يااارب يااارب
كلمت امي وقامت تقولي لا تستعجلي يابنتي وانتي باقي لك اسبوعين ومن هذا الكلام بس علشان تهديني وقامت تدعي لي من قلبها الله يخليها لي
يوم الجمعه بالليل تعشينا انا وزوجي واخت زوجي وكنا نضحك ونسولف الوضع طبيعي جدا بس احس بمغص خفيف جدا زي العادة ....وقلت في نفسي اذا استمر معي هذا المغص الى الصباح واشتد بيكون طلق واذا راح فهو طلق كاذب مثل كل مرررة ولا قلت لزوجي عنه لانه زهق من كثر الطلق الكاذب اللي كان يجيني
المهم نمت وصحيت الفجر ومافييييه اي الم :(...اختفى ورحت عملت لزوجي فطور وجلسنا نسولف شوي قبل لايروح دوامه وبعدها جلست اتفرج عالتلفزيون الى الساعة 6ونص تقريبا وانا ما فيني الا العافية
رحت لغرفتي ابغى ارجع انام واول ما تمددت على السرير وكنت خلاص بانام الا واحس شي في اسفل اسفل بطني من جوا انبرم وبعدين طق وحسيت بصوت جوا مثل لما تفتحين علبة بيبسي (تك)وجاني معها الم مفاجي شديد ويالله اني قمت من على السرير واول ما وقفت نزلت علي شوية مويااات .... انا لما شفتها سويت كذا:icon28: بغيت اطير من الفرح قلت خلاص طلق
واقوم على بيتي ارتب بعض الشغلات وامشي واتحرك وسخنت لي حليب بالعسل وشربته وبدأ الطلق كل ربع ساعه وانا امشي واتحرك واجهز نفسي وشنطتي والطلق مستمر وبصراحة كان منتظم وحاار بس الم محتمل يعني ما يوجع مرررة وجلست على هالحال من الساعة 7 الى 9 وبعدها اتصلت على زوجي علشان يجي من الدوامولما جا قال يالله قلت لا لا مو الحين باااقي بدري ؟؟؟قال وبش تنتظرين؟ قلت لما يكون كل خمس دقايق مشينا ...الساعة 10 زاااد الالم وصااار سريع خليت زوجي يجيب لي كاس ماءمع عسل وقرأ فيه ايات تعسر الولادة وشربته ورحت المستشفى امشي شوي واوقف لما تجيني الطلقه ما عاد اقدر امشي جابو لي كرسي متحرك وعلى طووول على غرفة التحضير للولادة وانا اقول يااربي لك الحمد انا في حلم ولا علم اخييرا بأولد!!!!!!!!!واستقبلتني قابلة من جنوب افريقيا كانت حبوبة ولطيفة معي طبعا حطوني عالسرير وحطو على حزام قياس الطلق وانا كنت حريصة اني اسمع قران في هذي اللحظة فاخرجت جوالي والسماعات من شنطتي وشغلته قامت تقولي (اوه فري قووود يو ليسن تو ميوزك اند دونت فوكس اون ذا بين )يعني اسمعي للموسيقى ولا تركزين على الالم قلت لها هذا مو ميوزك هذا قران قالت( اووووه قران فري قوووود) طبعا الطلق يروح ويجي واذا اشتد فعلا احاول استمع للقراءة عشان فعلا ما اركز عالالم ....طبعا الى حد هنا والالم محتمل يشد ويفك
جت القابله وقاست قلت 7 سم ...انا ما صدقت قلت (ار يو شور)متأكدة؟؟؟قالت يمكن بعد ساعتين وانتي والدة ...انا في قمة الالم وبغيت اطير من الفرح.....زوشوي وجت قاست مرة ثانية وفتحت كيس المويه ومن بعدهااا بدا الطلق الحقيقي:icon33: وشوي ادعي وشوي اشفط اكسجين ودخل علي زوجي وجلس معاي شوي وبعدين طلعوه وجت وقاست مرة ثانيه طلع 8سم وانا احس الالم يتتابع وشوي خلاااااص صار مرررة ورى بعضه وانادي القابله خلاااااص باولد ....وقاست ولقته 9سم وشالوني على طووول غرفة الولادة:11retcher وانا من قبل قلت لهم انا ابغى الدكتورة اللي انا متابعه عندها هي اللي تعمل لي الخياطة واول ما دخلوني غرفة الولادة قابلتني ممرضة بريطانية اومدري ايش جنسيتها بس كانت مرررة زعلانة وتصارخ علي:angry2: وانا في حال لا يعلمه الا الله وتقول كيييف يا مدام تبغي الدكتورة تخيطك هي مو موجودة الحين وتبربر بكلام مدري ويش هو وانا في قمة الالم قلت خلاص ما فيه مشكلة جيبوا لي اي دكتورة ثانية تخيط وزعلو اكثر قامو يهاوشون يقولون كل الدكاترة المناوبين رجال تبغين نناديهم لك عشان الخياطة؟؟؟؟؟؟؟؟طبعا كل هذي المناقشات وانا بين الحياة والموت في الخير قلت خلااااااااااااااااااص انتو خيطوا بس خلوني بأولد الحين خلصووووووني
المهم جاني كم طلقة قويه ( وهنا حااابه انصح كل وحدة بتولد طبيعي انك اذا جاتك الطلقة ما تضيعين قوتك في الصراخ حاولي بقدر ما تستطيعين تااااخذي نفس عميق وتدفعين بكل قوة لانك كذا تساعدين نفسك وتساعدين البيبي لانه يكون محتاااج اكسجين ومحتااااج انه ما يطووول في لحظةخروجه من منطقة الحوض ) طبعا مع الطلق القوي صرت اخذ نفس عميييق وبعدها ادفع وادفع وادفع ...... وشوي الا خرج وليدي للدنيا الساعة 12 وربع والحمد لله وصارت عيوني تدمع مو من الالم لا من الفرحة اني تخلصت من الهم والتعب والثقل وان طفلي خرج بسلامة وبعافيه والحمد لله اولا واخرا ....ويااااارب ياااااارب ياااارب يهون على كل حامل ويسهل ولادتها ورزقني واياكم بر ابناءنا وصلاحهم
وتووته تووته خلصت الحتوته
ملاحظه صغيرونه ..شوفو يابنات انا انصحكم ما تستعجلون عالولادة وتحاولون تحسبون صح مو بس عالسونار انا دكتورة قالت لي احتمال ولادتك تكون في 16 يونيو ودكتورة ثانية حسبت لي في 20 يونيو اخلص التاسع !!!!!!والاخت نازك هنا في المنتدى حسبت لي ان اخر يوم لي في الاسبوع الاربعين هو28 يونيو وفعلا ولدت في 27 يونيو ولا يعلم الغيب الا الله بس حبيت انصحكم تحسبون صح علشان ما تتعبون نفسيا وبصراحة انا خلاص باعتمد على الله ثم على طريقة الاخت نازك الله يجزاها خير
leezoo @leezoo
محررة برونزية
يلزم عليك تسجيل الدخول أولًا لكتابة تعليق.
حمدالله على سلامتك يل ليزوو ويتربى بعزك يارب انا ولدت بنفس وقتك وتاريخك سبحان الله وتقريبا نفس قصتك والله ياليزو اني اقرا واقول هذا الي صار معي سبحان الله
الحمدلله عل سلامتك وألف ألف مبروك
وعقبالي يارب ويرزقني ربي ولادة طبيعية لان الدكتورة عطتني موعد للطلق الصناعي
يارب تهونها على وعلى كل حااامل وتقرب بساعة الفرج
وعقبالي يارب ويرزقني ربي ولادة طبيعية لان الدكتورة عطتني موعد للطلق الصناعي
يارب تهونها على وعلى كل حااامل وتقرب بساعة الفرج
الصفحة الأخيرة
الحمدلله على سلامتك والف مبروووووك
جعله ولد صالح اناء الله