تعالوا تكفون احتاج لكم مخنوووووقة من كل شيئ

مرحبا ياغاليات ...انا اليوم بقولكم عن مشكلة حياتي من بداية زواجي الى اليوم , بالرغم من كل شي أنا مؤمنة بقضاء الله وان الله هو الرازق وهو اكرم الاكرمين وراح يعوضني عن كل شي في حياتي قاعده اعيشة ..انا تزوجت زوج فاقد امه من عمره سنتين وابوه كان همه متى يتزوج وزوجاته اللي كل مرة يطلق ويتزوج ومو فاضية لاحد . انا بصراحة اخذت زوجي عن حب وكان هو يموت علي واخذته بعدبإصرار لاني كنت حلم حياته منذ الطفولة حتى كبرت وكل مايسمع اني انخطبت يبكي ويصلي ويدعي إني أكون له , الحمدلله تزوجنا وبدت حياتنا كل يوم مصيبة بدايتها سوا حادث بالسيارة والحمدلله صار زين بس السياره انعدمت , وتسلف عشان يصلحها وتخيلوا شهر عسل ماعندنا سيارة , ولا بعد ماسافرنا وداني البحرين 3 ايام يمكن ورجعنا طيب الحمدلله على كل حالرضيت بالامر , صار يشك فيني ويضربني وسكت وتصبرت قلت يمكن من البداية ماتعود على البنات بحياته اهلي دروا بالخبر من اختي لانه هو كان مناديها شوفي اختج وقلت خلاص هذا مريض نفسي , ولكن بعدين لما اخواني تكلموا معاه هو اعتذر وكان فاهم شي غلط ومن هالكلام , وبعدها الحمدلله تعدل حاله وشخصيته , وماصار يمد يده لو ايش , وطبعا هذا كله بداية زواجناكنت اعاني منه واييييييد , تصرفاته خلتني ايقن ان فيه مرض نفسي , بس مادري يعني هل هو حسد لان في زواجنا كان داخل بالقاعه بعدين جيت انا واول ماجا يستقبلني ضمني قدام العالموكل الناس كانت تتكلم عني وعنه انو زواج عائلة اسطوري وشكلي كيف كان وهو كيف كان وان احلى زوجين مروا عليهم ومن هالكلام .. قلت حسد يمكن وفعلا بعدها الحمدلله تعدل زوجي زوجي فلوسه ضايعه بالديون , يعني مره وحده نطلع بالشهر مقصر علي وايد بس انا موظفة وكنت اساعده , وكنا نطلع ورحنا مره دبي بفلوسي , وعادي لين يصير عنده اكيد مابيقصر علييعني راضيه بكل شي ومقتنعه ان ربي بيعوضنا , ماحملت ورحت احلل كل شي اموري تمامم قلت له روح حلل قال لا انا رجال ومافيني شي , رحنا المستشفى بعد اقتناع حلل ,والحمدلله صارت حيوانات المنوية صفرررررررر , قدمنا على مستشفى حكومي عشان يحولونا للتخصصي بالرياض وحولونا فعلا ولكن للان مادخلنا على الدكتور بعد شهر اول موعد للتحاليل وبعدهاندخل للدكتور هذا الكلام من سنة تقريبا وتونا بندخل الشهر الجاي ان شاءلله , صارت حياتي ولا شي .. لا فلوس يمتعني فيها ولا عيال ينسوني ويسعدوني شوي لين تخلص ديوونه , وربي كاتب هالشيالحمدلله على كل حال ,, وكله رزق وخيره من الله , ابو زوجي سوا عملية برجله بتروا له اصبعين وجبناه فوق مع اخوه الصغير اصغر واحد بثالث متوسط الحين , وحطيناهم بغرفة جمبنا عشان فيمشاكل مع خواته والاب ومالهم شغل فيهم معنى هم ببيت واحد تحت بس قال زوجي يبي يهتم في ابوه وانا اصريت ورحت قلت له تعال , واحنا بنهتم ونشيلك انا طبعا ماعندي مجلسصار الرجال يجون صالتي يوميا , صارت ديوانية وانا اقعد بغرفتي تخيلو وحمامي جمبي وبابي مسكر علي , قلت معليش من بعد المغرب الى الساعه 11 بالليل هذا وضعي وانا اطلع من عملي 4 تخيلووواقلت زين لما امرض واغيب ابوه يقولي يلا سوي لنا غدا انا ابي ومشتهي واقوم اسوي الولد يمشي ويوصخ ماتتخيلون شلون قذر مناديل بكل مكان مندعسه ياكل ويرمي صحونه الشاي والقهوه تنكب على الجدارصار يطلع في بيتي نمل وحشرات ااااااه ماتتخيلون بيتي كان يجنن اممي تمدح فيه عند كل الناس ومن دخل قام يبارك ويسمي وماشاءلله , ككنت اي شي الاقيه اجيبه لبيتي بدون تردد احب اهتم فيه ,الحين لو بريال شمعه مااشتريها لاني كرررررهت بيتي , الاب سوا عملية زيادة وللحين قاعد عندنا فوق تخيلوا الغرفه اللي فيها هم دولاب ملابسنا فيها , كل يوم بالليل اجيب ملابسي عندي.. اااه زهقت صار مافي خصوصياتصرت مااطبخ واكره اني حتى انظف البيت ليش لان بعد شوي بيجي الولد الصغير بيوصخ وبيقوم والله احيانا احس كذا استلعان وانا ببيت اهلي جايه بدال الخدامة عندنا 3 يعني مااحرك ساكن , وبيتي كنت انظفه مرتين بالاسبوعكنا اثنين والحين صار يبي له كل يوم طيب تخيلوا بالله عليكم انا اطلع اربع والرجال بعد المغرب يجون متى انظف البيت الساعه كم اذا هم يطلعون 11 يعني اقوم الفجر انظف بيتي !!!!!! تخيلوا الولد الصغير كسر لاب توبي وانا مسافرةوكسر غلايتي كسر صحوني كسر اواني كذا قزاز زينه ااااه بنجن , لاب توبي احبه ومحافظه عليه من اربع سنين حتى فورمات مااسوي له تخيلوا لونه ابيض ونظيييف مافيه ولانقطه واجي من السفر الاقيه معفوس , تعبت تعبت تعبت صرت اتكلم واقول انا مو شغالة مايصير كذا واغراضي تتكسر تخيلوا اقول لابوهم ولدك كسر لاب توبي يقولي لاتحطينها بولدي انتي كسرتيه !!! يعني حتى بديل مابيعوضوني معنى عنده فلوس وزوجي مو طايل ولا ريال منها وبنفس الوقتيقصر على نفسه بس اهم شي ابوه ماقلت شي قلت زين هذا معناه هو كويس , بس انا تعبت وصرت اروح بيت اهلي من بعد الدوام اروح البيت انام بس وزوجي خليته يسوي كل شي هو ينظف من نفسه صار لان شايف القذارات ولما يتكلمابوه يقوله ليش شايفنا مجانين نوصخ ونكب ونقوم , معنى ابوه الحين مايتحرك وهو مسويه عملية برجل وحده والثانيه سليمة بس يدلع مايبي يمشي ابدا حتى الحماام الله يكرمكم زوجي يوديه , تخيلوا لما اطلع مع زوجي يزعل عليناليش تطلعون وماتقولون , مره موديني المستشفى زوجي بالليل كنت تعبانه قاله لا كذاب اكيد موديها تعشيها طيب واذا مودييني يعشيني غلط او عيب !!!!!! زوجي لما صرنا نطلع صار يكذب وعاد هو ياليت من كثر طلعاتنا ويقول لابوهزوجتي ببيتهم وانا طالع يعني مايقول الصدق , وامس تهاوشت وياه وقلت له انا تعبت وخلاص يعني مايصيررر حتى طلعتنا بكذب وماتقول الحقيقة ليش شنو غلط تطلعني ولا انا مو حق عليك , وربي لو كنا وين وابوه دق يرجعنا ,انا ززززززززززززززززززززززهقت وكل يوم اصبر وتعبت من الصبر وربي كل شي بحياتي سيئ واهلي قالوا لي اي وقت تبين تجين هذا بيتج ومكانج وانتي تقررين بحياتج شنو تبين ,, وانا اشوف اعيش ببيت اهلي احسسن خلاص صدق كل يوم امل اكثر تخيلوا امس ادخل بيتي الاقي ريحته وربي كذا الله يكرمكم ريحته خرااااا تقولون في بيارة مجاري معنى زوجي نظيف وكل يوم ينظف البيت ,,, ويمسح بديتول ويبخر , وصلت مرحلة قلت خلاصبشيل اغراضي بروح بيت اهلي وانا ناويه اليوم اروح لهم بعد ماارجع من الدوام ومااطلع خلاص مابي اروح هالشقه المعفنه اقسم بالله يابنات صرت لما ادخل من باب الشارع اتضايق وودي ابكي من الخنقة اللي بداخلي مابي ادخل فوقلشقتي وكل مااركب زيادة تزيد ضيقتي , حتى قلت لزوجي ابي اغير الشقه قالي لا هذي ملك واروح بره ليش مجنون , طيبب تعبت شوروا علي انصحوني عاتبوني علموني شنو اسسوي لاني خلاص مافي شي بحياتي الزوجية يخليني افرحوربي مااشوف الناس ولا اقول ليش هذا احسن مني وصابره بس بديت اتعب وانخنق وربي مو مرتاااااااااااااااااااااااااااااااااااااااااااااااااحة وانا ادري زوجي هذا ابوه ولازم يبر فيه بس طولوا هم فوق عندنا ولا شكله ناوي ينزل بيته تحتولما قلت له جيب خدامة قالي تبين انتي جيبي انا ماراح اجيب ماعندي فلوس , وبنفس الوقت يبوني انا اخدمهم وهذا الشي اللي خلاني اشيل يدي من البيت واقعد ببيت اهلي طول اليوم وهناك بس اروح انام واغسل ملابسي وملابس زوجيوارجعها للدروج بسسسسسس وانظف غرفة نومي بس ,,,تكفووون وربي اكتب لكم وانا مخنووووقة اطلق ولا اقعد ولا شنو اسسوي .. !!!!!!!!!!!!!!!!!!!!!!والله انا مدلعة ببيت اهلي وامي اوبوي الحمدلله رواتبهم عاليه ومايقصرون عني بشي وحتى الشغل لو رحت بيت اهلي مااحتاجه وخدامات وسواق ومحد يقولي وين رايحة وين جاية صدق اانا تعبت وابي حل تكفووووون شوروا علي الله يجزاكم خيررررروربي كل يوم اقول بكرة احسن واصبر وعندي امل بالله وولو كان عندي بزر كان انشغلت فيه بس مافي شي انشغل فيه حياتي سيئة ................... حتى خواتي صاروا يععايروني مااعرف البس ملابسي رخيصة وصرت دببببة بعد ماكنت انحف وحدهخلاص صرت اكره نفسي وكل شي اكرهه بزواجي ابدا انا مومرتاحه معنى زوجي حنون وطيب ويحبني ويموت فيني وربي انا اشوف فيه خير وهذا اللي مصبرني بس .... ولاني بعد احبه بس تعبت خلاصص :(