تعالوا تكفون عطوني رأيكم وتجاربكم

بليز يا مشرفات لا تنقلونه اقل شي يومين كتبته في القسم الخاص ولا جاني رد واحد
السلام عليكم ورحمة الله
بنات انا عندي مشكلة تساقط الشعر بدأت من البلوغ تقريبا والى الان عمري ٢٩ سنة ما توقف التساقط
طبعا يزيد في ايام ما قبل الدورة ويخف بعد تنتهي
والاحظ كمان في هالفترة يصبح ضعييف وباهت وبسرعة يطيح ويتكسر
ثم يبدأ يتعافى وترجع له عافيته ويتحسن شوي بس ما يمدي ياخذ نفس الا تجي الدورة مرة ثانية وتنعاد المعاناة
طبعا تعبت مرة من التساقط الصالة مليانة شعر والمطبخ والحمام والسرير كل يوم لازم اكنس والحمد لله على كل حال.
استخدمت زيوت خلطات حنا فيتامينات بس كلها بدون فايدة
للمعلومية قبل البلوغ كان شعري كثييف وقوي وطويل الى الورك لكن اختفى هالشيء مع البلوغ
طبعا بدأت افكر فعليا في التدخل الطبي واستخدام التقنيات الجديدة لتجميل الشعر اللي هي البلازما والميزوثيربي وقلت ابدأ اول بالميزوثيربي لكن ابي اعرف عن اضرارها وفوائدها واللي جربوها لاهنتوا اكتبوا تجاربكم معها وهل استفتدوا ولا بس نكت فلوس بدون فائدة
وهل هي مؤلمة ولا لا 😢