~~ تعالوا خاص لبنات الأحســــاء ~~ تجهيزات عرس أخوي

مراحب حي الله بنات الاحساء








اخوي وحيدنا اخر العنقود المزيون قرر يعرس اخيراً



كلولوووووووووووووووش




المهم اخترنا له بنت من الاحساء




لكن الوهقة احنا مو من اهل الاحساء ولا نعرفها

طبعا حضرتي لازم اجهز له العرس من الى لان المدام ماعليها الا فستانها واحنا علينا كل ابو شي


بنات الاحساء ابي تساعدونا نفرح بالمسيكين



احنا حجزنا القاعة فقط والعشاء من كتكوت بحوالي 20 الف عشاء حريم ورجال تقريبا لـ 200 شخص


والكروت


بس باقي امور مانعرفها مثل الطاولات !! شنو نختار ؟؟ انا مابي احط ورد طبيعي ابي احط كرستالات او شموع يعني حركات غير بس ماعرف المحلات الزينة؟؟؟ وين تنصحوني ؟؟؟ وكم تكلف الطاولة الوحده؟؟


نحجز دي جي ولا طقاقة؟؟ ايهم احسن؟؟ ولا الاثنين ؟؟ ومن تعرف طقاقة او دي جي حلو؟ ولو جبنا طقاقة شلون نتفق معاها ؟؟ احنا مانبي نقوط
وكم اسعارهم


وش بعد لازم نحجز؟؟ هل لازم نحجز الكوافيرة من الحين؟ باقي على العرس شهرين ولا عادي مايحتاج نحجزها؟ وأي كوافيرة ومكياج تنصحون؟


التوزيعات من وين ناخذها؟؟


انا قريت عن طاولة الاستقبال ذي ما اخبرها في الاعراس من متى صارت لازم تنحط!!!!!! واقرا البنات كاتبين زفة عصير وزفة شكولاته وزفة مدري شنو ليه ذا كله؟؟ لازم ينحط كل هالزفات ؟؟؟ انا على بالي مجرد توزيعات وضيافة يدورون فيها وخلاص وشوله هالزفات كلها ؟




الفساتين من وين ناخذها من الاحساء؟؟


الكوشة ماراح نحط لان العروسة ماتبي تطلع قدام الحريم طيب في هالحالة العروسة تقعد بالفندق ولا تجي الصالة بالغرفة وبعدها ياخذها المعرس للفندق؟؟ وكم ليلة تقترحون بالفندق؟؟ وهل فيه فنادق حلوة بالاحساء؟