تعالوا خلونا ندردش متى حملتي بطفلك الثاني ..

الحمل والإنجاب

السلام عليكم ورحمة الله وبركاته ..

اهلين مامات اخباركم ..
الله يسهل ان شاء الله على كل وحده حامل ويرزقها ولاده سهله وميسره وطفل سليم معافى صالح بار بوالديه ..

انا يابنات محتاااره مره متى افك حبوب منع الحمل ..
بنتي الآن عمرها سنه و7شهور وانا ادرس وراح اتخرج ان شاء الله بعد 3 شهور
يعني لما اتخرج بنتي تكمل سنه و10 شهور
المهم ساعات افكر اكمل ع الحبوب مده بعد مااتخرج يعني مااحمل لاني ابي اريح شوي واستمتع بالاجازه وانا انسانه مريحه من تعب الحمل خخخخخخخخخخخخخخ

واحيانا ودي احمل بأسرع وقت (اذا ربي اراد ان شاء الله)لان احس بنتي وحيده حنا ساكنين في بيت لحالنا واحس ودي بأخت ولا اخو يسليها وبرضو زوجي يبيني احمل على طول


المهم انتم وش رايكم متى تحسون الوقت المناسب للحمل الثاني يعني انتظر شوي البنت تكبر احسن علشان ماتتعبني
بإعتقادكم وش فرق العمر المناسب اللي لازم يكون بين الاخون سنتين ولا سنتين ونص ولا ثلاث .....الخ

ابي كل وحده تقول وش الفرق بين عيالها وتذكر سلبيات وايجابيت وضعها ووش رايكم بوضعي


المهم لاتضحكون علي وتحسون اني متحمسه كل شيء بيد الله لاكن حلو الواحد يخطط للمستقبل والموضوع هذا شاغلني كثير ..

انتظركم
51
22K

يلزم عليك تسجيل الدخول أولًا لكتابة تعليق.

تسجيل دخول

فنجان الدم2009
فنجان الدم2009
انا حملت ع بنتي وكان عمرها سنه و8 شهور
واذا ولدت راح يكون عمزشا سنتين و5 شهور احسه حلو
غلاوي22
غلاوي22
انا الفرق بين ولدي وبنتي 4 سنين بس كنا نبغاها 3 بس حصلن لنا ظروف

خلتنا نأجله سنه كمان ولدي حملت فيه بعد شهرين من زواجي وقلت لزوجي ابغى اريح والا

هو الود وده احمل ورا بعض واجلنا 3 سنين عشان نحج كمان ولما نوينا الحج بنفس السنه تحدد زواج

اخت زوجي واضطرينا نأجل الحج للسنه اللي بعدها وكملنا 4 سنين وحملت بس حسيت نفسي حايسه لاني

ريحت كثير ورجعت للتعب والسهر مره ثانيه وبعد بنتي حملت لما صار عمرها 9 شهور بدون تخطيط سابق

وتعبت في الحمل لكن حسيت مع الوقت انه اهون من المره اللي فاتت لاني لسه على الرضاعه وعلى الحفاظات والسهر

يعني بتعب شوي لكنهم بيكبرون مع بعض

انا اشوف انسب وقت هو الحمل بعد سنتين او سنتين ونص يكونو متقاربين وتعبهم واحد

والله يكتب اللي فيه الخير لك وللجميع
طيف القـ م ـر
طيف القـ م ـر


لا حلو والله ترتاحين بعد فتره يصيرون مع بعض وترتاحين
انا حملت بالثاني وكانت بنتي عمرها سنتين تقريبا
جبت الولد وبينهم ثلاث سنوات
الحمدلله ماشين مع بعض الحين ويلعبون مع بعض
بس المشكله الحين لي 7 سنوات لابد بعد سنتين اجيب واحد لان بيكون فارق عمر

تهلل البهية
تهلل البهية
والله انك عاقله انا حملت وعمر ولدي 9 شهور وجبت بنوتتي وعمره تقريبا سنه ونص


احسه حلووووو ربيتهم سوا وكأنهم توأم




الحين انتي المفروض خلاص تبدأين تفكرين بشكل جدي والله يرزقك
الامبراطوره 22
انا مثلك عندي بنت عمرها سنه وشهرين واخذ حبوب بس مو ناويه اتركها لانه احس بدري لسه صغيره وما ابغاها تغار لما تشوف احد اخذ محلها احسن لمن تكبر وتفهم يعني 3سنين وشويه اولد وهي 4 سنين طبعاكله بعد مشيئه ربي