تعالوا دبروني وشوروا علي بموضوع زميلتي , خصوصا الموظفات

السلام عليكم ورحمة الله


الموضوع لزميلتي وحبت تطرحه عليكم
بدون نفسية الله لايوفق ويسلط على اللي بينفسن علي ـــــ< معليش هذي موجهه للنفسيات فقط



الموضوع كالتالي
زميلتي موظفة تشتغل في مكان يبعد عن بيتها 10 دقايق
ماعندها سواق واهلها من النوع اللي شديدين لازم تجيبين سواق بمحرم او معك احد
اول ماتوظفت حاولت تدور لها وحده من زميلاتها ساكنة معها بنفس الحي عشان ياخذون سواق واحد مالقت
طبعا نظام زميلاتها كل ثنتين مع بعض ياخذون سواق ويشتركون بقيمته
مثلاً ياخذ 600 يدفعون كل وحده 300 وهكذا

المهم لقت زميلتي وحده ساكنة معها بنفس الحي بس ولدها اللي يوصلها واحيانا زوجها ومعها بنتها الصغيرة
قالت بروح معك وبعطيك مبلغ شهري زي السواق , قالت ذيك اوك واتفقوا على 600
ولدها كان يجي متاخر ويرجع متاخر تضطر تنطق معها بعد الدوام الظهر ساعة وحول الساعة وهي ساكتة لان اهلها شديدن ومارضوا تاخذ سواق لحالها لاااااااااازم يروح معها احد
المهم زميلتها اللي توصلها اانحرجت مع الادارة من كثر تاخيرات ولدها وقالت انا زهقت من ولدي وفشلني ومدري ايش
قامت صديقتي قالت لها وش رايك نجيب سواق ونتشارك فيه مب احسن لنا؟ شخص ملتزم معنا وكذا
جاء يوم من الايام مرت عليها زميلتها واللي يسوق كان شخص غريب لاهو زوجها ولا هو ولدها
تقول زميلتي انا سكت قلت اكيد عمهم ولا خالهم بيودينا هالمرة بس عشان ولدها مافضى
يوم تكرر الموضوع مرة ثانية
سالتها زميلتي قالت وين ولدك ومنهو هذا
قالت خلاص ولدي ماراح يجيبنا بعد اليوم وهذا سواق جديد
قالت منهو؟ قالت لها زميل زوجي
قالت لها طيب كم ياخذ؟ قالت نفس المبلغ الاول بعدين غيرت كلامها بسرعة وقالت 500
لاحظوا المبلغ اقل من المبلغ اللي تدفعه زميلتي لها


الزبدة الحين زميلتي منقهره من شيئين
1- ليش ماعلمتها الا يوم سألتها
2- والأهم , زميلتي ماتدري وش تسوي الحين , هل تطلب منها انهم يقتسمون المبلغ بالنص؟ زي كل الموظفات اذا اشتركوا بسواق؟ ولا تسكت وتصير هي تدفع المبلغ كامل
لان الحرمة ماسكتت الا هي ناوية تسوي فيها كذا اتوقع , مع ملاحظة ان السيارة سيارتهم لكن السواق مهب ولدها زميل زوجها لكن بيوصلهم بفلوس مو ببلاش
اانتم مو شايفين انه من العدل انهم يقتسمون المبلغ؟؟؟
ولا مو من العدل على اساس ان السيارة سيارة الحرمة


ياليت تشيرون عليها بشكل كااااااااااااااااامل من كل النواحي
وحطوا بالاعتبار انها محتدة لها وبيني وبينكم تخاف تكرشها وتتوهق
وش رايكم