تعالوا ساعدوا هالمسكينه ولو بدعوه يمكن تكون بساعة استجابه

السلام عليكم ورحمة الله
بنات اولا أنا مرشدة طلابية بمدرسة ثانوية اوكي فتيجيني الطالبات طلبا للنصح ومن ضمنهم هالطالبه اللي هي صاحبة المشكله فرجاء لاتخلطون بيني وبينها انا انقل لكم مشكلتها لاني والله احترت مااعرف ايش انصحها فيه واللي ماعندها حل تدعيلها أن الله يستر عليها ويبعد الشر عنها
القصه البنت جاتني تقول انا متزوجه وتعرفت على واحد بالماسنجر وكان يقرب لصديقه لي وبس هالصديقه ماتدري المهم عرفته فتره وكنت اطلع معه وبعدها حسيت بغلطي واني ماشيه بطريق حرام وخصوصا اني متزوجه وهو بعد فقررت اني اتوب لربي واتركه وكلمته وقلت له هالشي وهو اقتنع وقال الله يستر عليكي لحد الحين البنت كان كلامها رائع ويثلج الصدر فقلت لها الحمد لله على توبتك والله يثبتك قالت لي المشكله ياابله انه لي سنه وهو كل فتره يرسل لي رسايل واخاف بيوم تقع رساله بيد زوجي ويحاول يسحبه بالكلام ويقوم ذاك الحقير يحسبه انا ويعلمه بكل سوالفنا لان زوجها على كلامها شديد الذكاء وذاك متهور وخبل . تقول كم مره ارسله ارجوك عدني اختك ارجوك لاعاد ترسل لي
ومرات تخوفه بالله ويعتذر ويتاسف ويقولها خلاص يابنت الحلال الله بستر عليكي وترتاح وتنسى وكم اسبوع او شهر الا هو مرسل وش تسوي قلت لها غيري رقمك قالت اخاف منه اخاف يتهور ويجي البيت لانه يعرف وين بيتها ويفضحها عند زوجها من باب الانتقام بنات معقول يسوي كذا؟؟
ولو قلت لها كلميه تقول كلمته اكثر من مره ويعتذر ويرجع يرسل ايش الحل ؟
والله ماعرفت ايش ارد عليها بس اكسرت خاطري حيييل لانها تايبه وتبي تستقر بحياتها الزوجيه وتبي ربي يرضى عنها
يعني اللي تغلط بحياتها ماتقدر تتوب لازم تنفضح؟ ماعرفت ايش اقولها قلت لها اولا خليكي ثابته على توبتك واصري عليها وخليني افكر بطريقه تفكك من هالنذل
ارجوكم ساعدوني نحل لها مشكلتها بارائكم واللي ماعندها حل تدعيلها بنات ان الله يستر عليها ويبعد عنها هالنذل ويشغله بنفسه ويجعل شره بنحره :44: