بسم الله الرحمن الرحيم
السلام عليكم ورحمة الله وبركاته
اخواتي اريد ان اذكر لكم قصتي من بدايتها ما اريده منكن هو الدعاء لي ولزوجي بالهداية وان يجعلني الله قرة عينه ويراني اجمل نساء العالم
زوجني والدي غصبن عني لقريب له كان يقولي انا اعرف مصلحتك ولو فيه شي واحد يعيبه ماشاورتك فيه طردته على طول <<<<<<<<<<<<< وهذا هو والدي العزيز يريد مصلحتنا قبل كل شي
قلت خيرة وتم الزواج وانا مترددة بعد زواجي بشهر رن جواله وبعدها جت رسالة هو كان نايم ومنبه علي اذا الجوال رن ا وجت رسالة اشوفه اذا مهم اصحيه كانت الساعة 3 الفجر فتحت الرسالة الا كلام من وحدة نسيته بس تسال ليش ماترد على حبيبتك لما صحى سألته وقال مااعرف يمكن اصدقائي مسويين فيني مقلب صدقت لاني مالي خوات فاعرف حركات الشباب كلها من اخواني
بعدها بتقريبا اسبوعين كنت قاعدة بالصالة اتابع برنامج هو كان يذاكر بغرفة النوم عنده اختبار فجأة سمعت صوت خوفني كانه شي طاح بغرفة النوم رحت ركض الا زوجي ما هو موجود دورت بالبيت كله مالقيته انهبلت رحت طليت مع الشباك الا سيارته مشغله انهبلت على بالي فيه مصيبة او احد متوفي لبست عباتي وركض على الشارع كان الوقت تقريبا الساعة 12 طليت وياليتني ماشفته واضح من ابتسامته انه متقطع بالمكالمة يكلم وحدة لما شافني تغير وجهه واشر لي ادخل للبيت دخلت وانا زعلانة ( كنت بها الوقت حامل)
تهاوشنا قال ليش تنزلين للشارع قلت خوفتني على بالي ابوي صار فيه شي لان ابوي كان تعبان
المهم قاعد يتعذر وقال انها صديقة خوييه ومتصلة فيه عشان يصالحهم لانهم متزاعلين مادخلت مزاجي بس مشيتها
تدور الايام واكتشف انه مازال يكلمها يراسلها كنت بالشهر السادس سالته يصارحني لاني مش غبية وانا عارفة انها صديقته هو اعترف انه يعرفها قبل الزواج ويروح لها بجدة وانها هي ماهي راضية انه يتركها دائم تتصل عليه خيرته بيني وبينها ( ووضحت له انه مافيه مجال للمقارنة بس حتى لا ينهدم بيتنا )
كنت بالشهر التاسع وتعبانه حيل اخذت جواله ابي ادور رسالة حلوة ابي ارسلها لاخوي يعني رسالة مدح رجال انا ماعندي هذا النوع ( هو للحين مامنعني امسك جواله )
وكانت الطامة الكبرى مازال يراسلها ويكلمها ) سكرت الجوال رحت ثاني يوم لاهلي كنا متفقين كذا اني اقعد عند اهلي ارتاح اسبوع وانا كنت بس دموعي تنزل بحر سالني وش فيك قلت له وش فيني واني ماتوقعتها منه ابد ...
حلف لي انه غصب عنه وانها هي تغريه ما صدقته نزلت لبيت اهلي وقفلت جوالي احرق جوالي مكالمات يلقاه مقفل كلم على تلفون البيت سمعتهم لما ردوا سويت نفسي نايمة عشان ما احد من اهلي يدري ثالث يوم رديت واعتذر وحلف ماعاد يعيدها واذا عادها جعله يفقد اغلى ما يملك امه وابوه
صدقته مافيه احد يدعي على امه وابوه ولدت وجبت احلى بنوتة ( بس بعيني الله يخليها لي )
وكانت الطامة اللي لا اعلم عنها كان بيسمي بنتي اسم حليو ماعليه وكل اهله ثاروا ما تسمي هالاسم استغربت لدرجة انه عمي اللي عمره ماتدخل بحياتنا اتصل وسال انتي اللي مختارة الاسم قلت لا قال يغيره مع انه سجله وراح وغيره
انا مستغربة بعد مارجعت لبيتي طبعا الان منعني المس جواله كنت اسوي العشا ورايحة جاية بس احس زوجي مو معي في شي بالجواال مشغل باله راح نام فتحت جواله والا الطامة رسالة منها وفي النهاية كاتبة اسمها اللي هو الاسم اللي كان بيسمي بنتي عليه آه بس وش اقول عصبت وصحيته من النوم وتهاوشنا كيف تسمي بنتي على وحدة ..........بايعة شرفها طلبني انها اخر مرة وما يكررها وراح يقول لي كل شي قال كل شي حتى انه سافر لها بعد الزواج بس يقول ماصار شي وانا الغبية اللي صدقته وان كل اهله عارفين عن علاقته معها بس كان يحسبونها انتهت بعد الزواج
طنشت عشان بنتي ماابيها يصير فيها مثل بنت جيراننا اللي مرة زوجة ابوها حطتها شغالة ولا من زوج امها اللي مايرضى تقعد مع امها عشان خاطرها صبرت وسكتت
صارت فيه الوقاحة اني القى تذاكر الحجز يروح لها وصار يجيب جواله الخاص لها بس يكلمها فيه قدامي
وفي يوم من الايام طلبته الفين لان محتاجتها مررررة مع اني عارفة انه ظروفه المادية ماتسمح قال مااقدر قلت لو جزء من المبلغ رفض وقال دبري من عند اهلك
في ليلة نسى جواله اللي يكلمها به في الصالة فتحته والا هو مرسل لها انه حول الفلوس في البنك تروح تاخذها
لقيت رسالة منها طالبة منه مبلغ اللي يكفي حتى تسوي مفاجأة لاخوها بيعرس يعني ماادري كم حولها
وكاتب ماعندي تسلفتها عشانك وكلام غزل وحب
ماادري وش جاني صحيته تهاوشنا صكني كف وقال هي تاج راسي وانت ماتسوينها
فتحت جوالي ابي اكلم اخواني قال روحي مع السلامة انقهرت مااقدر ابوي مريض وممنوع من الانفعالات كلمت ابوي الثاني اللي هو ابوه بكيت بحرقة ماقدرت اكمل قلت بس خله يطلقني قال ليش قلت انت عارف قال مااعرف شي قلت اللي كان بيسمي بنته عليها هنا غص عمي بالكلام ما عاد يدري قالي هذا سالفة قديمة قبل ما يتزوجك قلت هذا السالفة من اول شهر بزواجنا للآن مستمرة وتوصل في الوقاحة يضربني عشانها ويقول انتي ماتسوينها ؟؟؟؟؟؟
قال انا جاي قلت ما راح يفيد خلاص ماعاد اعيش معه انا ماابي ادخل ابوي بمشاكل ابي اجيه مطلقة حتى مايسال خلاص الفاس وقع بالراس قال عشان خاطري اذا تعزيني نامي الليلة وبكرة اجيكم نمت لما جاء اليوم الثاني كلمني وقال انا جاي وقالي السالفة انه في واحد من اصدقاء زوجي كلمه من زمان قبل الزواج وقال انه هذي ساحرة زوجي وانها ساحرة شباب كثير تاخذ منهم فلوس ويجون عندها للبيت وانه من بين المسحورين زوجها هي انه يكون جالس والرجال داخلين طالعين على زوجته ولا يقول شي
المهم هو طلبني انه اقعد ببيتي وقام حب على راسي استحيت منه قال اقعدي وانا اسنعه واسنعها وراح اوديه لشيخ يقرا عليه رد زوجي قال مافيني شي بعدين هاوشه عمي وقاله ليش ترفع يدك عليها عشان ش............... قال ما هي ش............... ماعليش اتوقع انه الكلمة واضحة انصدمت يعني يعتقد انها شريفة ويحبها من قلبه وما يرضى عليها بكلمة حتى قدام ابوه ما استحى انا جلست اكراما لعمي بس ماعاد اطيق اشوف زوجي فكرت في كلام عمي يمكن مسحور بس لنا الحين عشر ايام وعمي ما وداه لشيخ ولا شي وش الحل ؟ّّّ!
ملاحظة صار بكل وقاحة يقول انه يخونني معها
وش السواة
انا الحين عند اهلي لان امي تعبانة مرررررررررة سبحان الله قلب الام تقولي انتي فيك شي مع اني احاول اضحك ولا ابين لها شي
عطوني رايكم بكل صراحة بعقولكم لا بقلوبكم
وادعو لي ولزوجي بالهداية والصلاح
انكساري شموخ @anksary_shmokh
عضوة جديدة
يلزم عليك تسجيل الدخول أولًا لكتابة تعليق.
الله يعينك ويصبرك والله ماراح ينفع معه شى هو راح يتركها من وحده بس اصبرى واحتسبى الاجر من الله
قلب فضه
•
حبيبتي ماقدر الا اني ادعيلك
الله يرد لك زوجك ردآ جميلا
وان كان مسحور اسال الله ان يشفيه ويفك سحره عاجلا غير اجلا
ويبعد هالبنت عنه
الله يرد لك زوجك ردآ جميلا
وان كان مسحور اسال الله ان يشفيه ويفك سحره عاجلا غير اجلا
ويبعد هالبنت عنه
الصفحة الأخيرة
ويهديك ويصلح لك بالك
ويرزقك من حيث لاتحتسبي