تعالوا ساعدوني وخففوامن حزني وقهري

السلام عليكم ورحمه الله وبركاته كيفكم خواتي الغاليات وش اخباركم ان شالله تكونوا بخير
ابقولكم شوي من قصتي ممكن تخففوا من حزني وقهري الي ابموت منه انا تزوجت من رجل اكبرمني بسبب ظروف بعدين اقولها لكم المهم ان هالرجل اخذني الى عالم الآمان حسييت اني ارتحت معه برغم في بدايه حياتي عانيت كثيركثيرمعه لدرجه ماتتخيلون بس مع الصبرفرج

طبعا"كان متزوج قبلي ثنتين بس كلهم مطلقهم مافي ذمته غيري وكل وحدة منها عيال وكبار بعد مثل عمري واكبربعداول ماتزوجته سافرنا وجبت لكل واحد منهم هديه لان نيتي معهم طيبه واحاول احببهم فيني بمعاملتي معهم واذا جاوني اطبخلهم الحلى وغيرة واذا زرتهم لازم في يدي شي لهم ولعيالهم وارسل شغالتي لهم تساعدهم اذا عندهم مناسبه أواحد منهم تعبان يعني حسيتهم مثل خواتي مرة وهم يقولون انهم يحبوني بس قول ماشفت فعل اذا جات مناسبه عندي مايجون يساعدوني حتى هديه عمري ماخذيت منهم يمكن الامرة دايم يتكلمون عن ابوهم عن ماضيه يقولوا انه راعي حريم وماكان كويس مع امنا وغيرة وغيرة كثيرالمهم هذا الكلام كان يجيني من اول اسبوع من زواجي بس ماكنت اخذمن كلامهم اطنشهم ولاارضى انهم يتكلمو عنه ولا اصدق فيه ابد حسيت يبون يكرهوني في برغم يحلفون انهم صادقين بس دايم اقولهم انا مايهمني ماضيه يهمني حياته معي الحين وفعلا الرجال ماشفت منه الاكل خير بغض النظر عن المشاكل الي تصير بين كل زوجين واضح انه يحبني ويعجبه كثير حكمتي واسلوبي معه ومع عياله المهم بعد مرور 5 سنوات مارزقني الله بعيال ونفسيتي في بيته مومرتاحه احس كل الاثاث موتبعي تبع حريمه الاولين وانا ساكته مراعاه لظروف زوجي المهم رزقنا الله بمبلغ حلووفاجئني انه بيطلعني للبيت جديد يقول انا ادري انك مومرتاحه لبيتنا القديم بس مافي يدي حيله وعجبني فيك صبرك معي وحبيت اكافئك عليه والحمدالله سكنت في بيتي الجديد برغم محد جابلي من عياله ولااهله هديه لو سله حلى برغم اني ماقصرعنهم بشي حسيت اني طيبه معهم فوق اللزوم وحتى بعضهم مازارن والله حتى خوانه وخواته ماعزمني الامرة من بدايه زواجي ولاعادشفتهم اعوذبالله ليش يعاملوني كذا

واجيكم لاهلي امي الله يهديها يوم شافت بيتي وغرفتي قالت اطوي المفرش الجديدخليه لو يمرض زوجك لين عندك شي جديد علشان الناس تزوركم وتكون غرفتك فيه مفرش جديدوحلو وربي انصدمت من امي قلت ليش تفاولين على زوجي بشر انهرت من البكاء من تفكير امي لا وتقول كان خليتيلك غرفه تحت علشان لو يتعب اوشي لين عندك غرفه تحت حسيت انهم يفكرون في تعبه يالله عالم غريبه بدال ماتقوا الله يعطيه الصحه والعافيه تقول هالكلام برغم اوريها مفرش غرفتي ومرة فرحانه حسيت اني عروس جديدة وحاطه شوع وغيرة بس نظرات امي غريبه والحمدالله زوجي بصحه وعافيه بس ناس تتفاول بالشر غير اني اذا جيتهم سيارتنا مليانه اغرض لهم واخواني يدلعم زوجي برغم انهم كانورافضينه اول حتى ابوي مادق لاعلي ولاعليه يباركلنا في المنزل

آآآآه يابنات وين اروح لا اهليتي ولا اهل زوجي احس عايشه لحالي وكل يوم اكتشف ان هالعام غريبه مهما كنت طيب معهم يستغلون طيبتك عندي كلام وقصص كثيرة بس معاد فيني حيل اتكلم اكثر ساعدوني وش اسوي