تعالوا ساعوني وقولوا لي وش صاير معاي

اهلييييييييين بنات شخباركم

الله يرزق كل وحده تتمنى الحمل يارب

الحمدلله اغلب اللي كنت ادعي لهم بالحمل حملوا وباقي انا ماحملت الله يرزقني معاكم

بنااات صار لي شئ غريب هذا الشهر اذا احد صار معاه ... اول بقول لكم سالفتي

انا صار لي متزوجة سنتين و11 شهر يعني باقي شهر ويصيروا ثلاث سنين

اول سنة مرت بدون تحليل وفي نهايتها سوينا تحليل الى تاخر الحمل طلع زوجي عنده ضعف شديد جدا

وصل عنده 1 مليون بس وهم المفروض 20 مليون وانا كان عندي هرمون الحليب مرتفع وعالجته ونزل في نفس الشهر

طبعا زوجي تعالج وزاد عنده العدد الى 9 مليون وانا فررررررررحت مره والحين استنى النتيجة الجديده لسى

امي راحت الى وحده وقالت معاي التابعه طبعا ماعرفت وشو التابعه قريت عنها وعرفت

سالت نفسي اذا انا احلم احلام مزعجة ماتذكرت الحين تذكرت هالحلم دائما يجيني

قبل الدورة بكم يوم احلم انها نزلت وتجيني في نفس اليوم واحيانا احلم بعقارب وحيات واحيانا احلم

بناس تطاردني او انه غرفتي ظلمت ولااني قادره اشغل النور يعني كانه فيه جن معاي بالغرفة

هذي اكثر الاحلام اللي احلمها مادري هي تابعه ولالا

المهم عطتني المره رقيه وحده احطها عند صدري والثانيه عند بطني طبعا ماتهنيت ذاك اليوم بروح الحمام

وانتم بكرامة وطاحت هناك في ذاك المكان ههههههههه<<< مادري فهمتوا ولالا

المهم قلت بكلم نفس المره تسوي لي واحد ثاني ونسيته وتركته و عطتني وحده ثانيه آيه حق الحمل اكتبها

ونفس الحاله قعدت من النوم ونفضت ثيابي لاني ماشفتها علشان تطيح في الغرفة مو في الحمام ولاشفتها

ويوم دخلت الحمام سبحان الله على طول طاحت في نفس المكان

وتعقدت وسويته مره ثالثه وحافظت عليه شهر كامل وجابت لي امي علشان التابعه احطه تحت السرير

وامس حسيت انه جبدي لايعه قلت اكيد الدورة وكشفت شفت شئ بني قلت خلاص جت

ونمت وقعدت اليوم مافيني شئ قلت عادي هي كل مره كذا بس يجي العصر تنزل عدل ويجيني الم

اليوم استغربت مافيني لاالم ولا شئ بس احس شئ ينزل ودخلت الحمام وانتم بكرامة الليل وانا قاعده

اتخيله لون الدم بني غامق ودخلت واتفاجأ نفس اللون اللي تخيلته رحت على طول اتصلت الى زوجي

قلت له يمكن حامل قال كيف قلت له غريبه لونه ولافيني الم مادري قلت بستنى الى الفجر ونفس الشئ لونه

ماتغير

اتصل لي حسيته عنده امل ويبي يعرف تحسفت اني قلت له يمكن عادي دورة غير شكل هالشهر

نوروني وش سالفت الدورة ولونها عندي

وهل احلامي لها سالفه بالتابعه