الحمد لله

اول يوم في صباح العيد رحت انا وزوجي وصلينا العيد وبعدها فطرت عند اهل زوجي

وفي الليل عند اهلي وبالتحديد كان عشاء عند (عمتي)اخت ابوي


وثاني يوم رحت لاهلي امي وابوي

وبس

فية شغلة يابنات العيد ماعاد مثل هو مثل اول
يوووووووووووووووووووووووووة الله يسقي ايام زمان وعيد ايام زمان >> حست نفسها عجيز لافة شيلتها

اعذريني شوي ياراعية الموضوع بأخرج عن موضوعك
بس فيني غصة

يوم كنا صغار كنا فعلا نحس بالعيد نكوي فساتين العيد >> ام الكشاكش والجزمة الله يعزكم اللماعة
ونخليها اسبوع قبل العيد معلقة على باب الصالة نحتري متى تقول قناة السعودية بكرة العيد

ومن وقت ماتعلن القناة السعوية ثبوت العيد تبدى اغاني العيد
ومن العايدين ومن العايدين ومن الفايزين ومن الفايزن احباب احباب اخوان اخوان دايما بيكونوا فرحانين ومن العايدين* ياليلة العيد انستينا وقددتي الامل فينا ياليلة العيد :)

اللحين صار من وقت مايثبت يكملون المسلسلات الحلقة الثلاثين
كانوا يجيبون الاسواق والناس وهم يتقضون حلاوة العيد وفرحة الناس في الشارع
واخواني يفكون اشمغهم من الكراتين ويقومون يكوونها ويعلقون ثيابهم

تقوم امي تعجن الحنا وتحنينا انا وخواتي قبضات وتلفها بقماش وننام ومن يوم مانقوم الله لايوريكم الحنا تسيح وتلطخ وجيهنا :09:

نصحى على صوت التكبير وريحة قوة امي وريحة بخورها وابوي وهو يكبر
نصحى واحنا الدنيا ماهي مكفية فرحتنا والله كنا من جد نحس بالعيد نستنى اخواني وابوي يوم يجون من الصلاة ونسلم عليهم ويعايدنا ابوي
ونفطر
ونروح نعيد على الجيران نطق ابوابهم باب باب يفتحون لنا ويعطونا حلاوة او فلوس ونشوفها قددددددددددد الدنيا كان اي شي يفرحنا وكنا نحس للحياة معنا قلوبنا طيبة نوايانا بريئة مانعرف الكذب
نسير على اهلنا واهلنا يسيرون علينا
اللحين تفرقوا الناس والقلوب امتلت وكبرت البيوت وضاقت النفوس الحقد والكرة والحسد غطى على قلوب الناس وماعاد يفرق معهم عيد من غيرة
الله يصلح الحال بس
اسمحيلي راعية الموضوع خربت موضوعك بس هاذا غيض من فيض

موآصلة ليلة العيد أسوي عيدنآ وأضف حوستنآ ..
وصلوآ آلفجر ورآحوآ أهلي يصلون آلعيد وأنآ أحوس ..
رجعوآ وعآيدتهم وأفطرنآ ..
وقرروآ أمي وخوآتي يسيرون ع خوآلي ..
وأنآ مخدتي تنآديني ..
وكبستهآ نومه للمغرب ..
صحوني خوآتي وعآيدتهم وخلص عيدنآ ..

> قصة حيآتهآ > أنتي قلتي سولفوآ ضض ..

السلام عليكم ورحمة الله وبركاته

انا مغتربة وبعيدة عن الاهل والاقارب ولكن عيدي هذا احلى واروع عيد ولله الحمد والشكر على نعمته لي بأن رزقني بابنتي في رمضان:04: وانا وابوها مرررررررة مبسوطين بهذا العيد رغم غربتنا..
أسأل المولى أن يرزق كل من تتمنى الضنا عاجلا" غير آجل
..وكل عام وأنتم إلى الرحمن أقرب..

الحمدلله اللي بلغنا العيد واحنا بصحة وسلامة .
العيد هذا طعمه غير لان عيدت عند مامي نور عيوني وخواتي الله لايحرمني منهم لانه بالعادة العيد بالرياض عند حمولتي بس هالعيد قرر زوجي نعيد بالشرقية :icon28:...
طبعاً صبح العيد بعد صلاة افجر روشت عيالي ولبستهم لبس العيد ومشينا لاهلي زوجي راح للصلاة بعد ما نزلني عندهم :mex:...
عيدنا على بعض واستهبلنا شوي ورقصنا والساعة ثمانية جت عمتي وبناتها يعيدون علينا وعلى ال11 جت اختي الكبيرة وعيالها سولفنا:a_smil17: وضحكنا وبعدين تغدينا ذبيحة يم يم :7_2_103v:...
وعلى الساعة 2 الظهر نمنا كلنا وعلى الساعة 5 العصر قمنا وتقهوينا وسولفنا الى الساعة 8 وبعدين عمتي مشت على بيتها ...
وانا وخواتي الى الان عند ماماتي الله يخليها ...
طبعا ثاني يوم رحنا الملاهي نمشي عيالنا من المغرب الى ال 10 بالليل ..
وبكرة ناوينا نروح البحرين نغير جو ..
والحمدلله .. وعلى قولة الاخت العيد احنا اللي نسويه مو هو :27:...