ريحته تجننن ما شاء الله والطعم أحلى وأحلى طبعًا
هذي طريقتي في الرز بالكاري، يمكن اسمه برياني ولا زربيان مدري
سلقت اللحمة مع 3 ورق غار وقطعة خولنجان صغيرة وعودين كبار قرفة وملعقة صغيرة فلفل أسود صحيح مو مطحون وحبتين شيبة
ولمن حسيت قرب يستوي حطيت الملح وخليته يستوي مضبوط.
بعدين صفيت المرقة ورفعت اللحمة على جنب
وبمرقة اللحمة سلقت الرز (بعد ما غسلت الرز طبعًا وخليته ينشف) سلقت الرز ثلاثة أرباع السلقة
بعدين حطيت في قدر بصل مطحون، تقريبًا ثلاث بصلات كبار مع شوية زيت، على حسب ما تحبي، مع ملعقة ثوم مفروم ناعم، وخليتهم لمن يحمروا وحطيت عليهم اللحمة.
وبعدين جبت خلطتي :22:
علبة زبادي كبيرة + فنجان قهوة ماء كادي + ملعقة صغيرة ثوم مطحون نااااعم + ملعقة أكل زنجبيل مبشور ناعم مع قشرته + ملعقة أكل كاري وخلطتهم مضبوووووط
وهذي صورة الخلطة:
بعدين حطيتهم على اللحمة وقلبتهم وغطيت القدر، بعدين لمن حسيت إن موية الخلطة قربت تنشف حطيت الرز وما حركته، غطيت القدر وخليته على نار هااادئة لغاية ما خلصت المويه اللي كانت فيه.
يعني تقريبًا ربع ساعة أو أكثر شوي. لأنه كل شي مستوي تقريبًا باقي شوي على الرز حق ربع ساعة ويستوي
بعدين طلعته وقلبته قبل شوي (ترا دوووبني مسويته) وعلى طول صورته وحطيته :22: :hahaha:
وأخذت من الخلطة اللي تبقى في قاع القدر وحطيتها على الوجه، لأنها أطعم شي في الطبق.
الخلطة عبارة عن عدة طبخات مع بعض، يعني أعتقد إنها برياني على زربيان على تأليف والله أعلم
بس ماني أخذتها من مكان واحد، من كثر ما أقرأ ألفتها من راسي.
إن شاء الله يعجبكم:26:
