*** كبة الهريس ***
هذا الله يسلمكم شفت حب هريس وقلت اشترية اجرب هريس بس طلع كميه الحب كثيرة ..
قلت بعدين يووو شسوي في هالحب .. اهوو اشوف بالنت في شي اسمه كبة هريس ؟؟
الا دورت وفي طلع اشكال والوان .. كلن حسب طريقته .. قلت اجل قومي جربي بطريقتج تسوين كبة ..
وجيت طبخت كاس حب هريس ومعاها نص دجاجة ومعاها طماطتين ومعاها رزمة كزبرة وقطعة فليفلة وبصلة .. وخليتهم تقريبا مدة ساعة ..
تالي شلت الدجاجة .. قسمتها الى فخذ وصدر الفخذ خليته على جنب ـ والصدروالباقي طحنتهم بمطحنة البصل .. (( يوو نسيت حطيت عليهم بهارات كمون ودارسين ولومي اسود وبزار وملح ))
والدجاجة نتفتها وسويتها حمسة مع بصل وفليفلة وصنوبر ..
وهذا شكل الهريس وهو مطحون مع الحمسة ..
وتالي بردت خلطة الهريس شوي وتالي كبكبته وكل كبة احط داخلها شوية حشوة من الحمسة واكملها لمن خلصت ..
وهذا شكلها بعد ما خلصتها وجمدتها استعداداً للقلي ..
وتالي حميت الزيت وبديت اقليها لمن يصير لونها ذهبي ..
وتالي بعد ما خلصت قليت بطاطس وزينت صحن التقديم فيه ...
وتالي طلع طعهما جناااااااااااان .. روووووووعه
وبالهناء والعافية ..
