لقيت لكم هالدرس البنت ماقالت مصيبه


نبتدي الدرس ( بسم الله ) ....


الاغراض المستخدمه :

1 . فرشاة ماك 204 للحواجب
2. اداتي ههههه اسوي بيها اشياء وايد ,, وارتاح وايد لاستخدامها اكثر من اداة الي تنباع في ميك اب فور ايفر ومثل مانتو شايفينها اهيا مبرد الاظافر
3. بودرة سائبة
4. بودر من بيبي جونسن وهو الافضل لانه غير معطر وللاطفال
5. كونسيلر من ماك
6. سر الدرس هههه قلو ستيك من يوهو ( مب ضار للبشرة وهلشي تأكدت منه ) اولا خالي من الاسيد وثانيا يتغسل بسهولة وهو في متناول عدد كثير من الاطفال فهوا عديم الضرر ومايضر البشرة
والي بتقولي مواد كيميائية ,, كل شي كيميائي حتى المكياج الي نستخدمه حتى لو كان من افخم واغلى الماركات ,, ويفضل الي عندها حساسيه تختبره على جلدها قبل الاستخدام




اولا هني حواجبي بدون ماضيف عليهم ولا شي



نمشط الحواجب للاسفل وهيا خطوه ضروريه جدا راح تعرفون ليش



نكشط كمية قليلة من القلو ستيك



نحطه بهاي الطريقة



وبعدها نمرر اصبعنا من جدام الحاجب الى اخره , والغرض من وضع الصمغ بدايه والشعر نازل لجل يلتصق فيه عدل وبعدها يخلي الشعرات كلهم بمكان واحد



نتركه يجف لمدة دقيقة ونصف او دقيقتين ونرجه نكشط لنا من الصمغ مرة اخرى ونوضوع بهاذي الشكل



نحط بودرة بيبي جونسون والغرض منها تثبيت الصمغ وتقلل تعرضه للماء



نوضع مكان الي اخفينه عليه بقلم كحل ابيض , لجل نغطي الحواجب تغطيه اكبر واكثر ومانخلي الماء يوصل له , لانه مثل ماقلت لكم ان القلو واشبل يعني , يتغسل بسهولة



واهني النتيجة




نحط الكونسيلر بطريقة التربيت انتبهوا يا بنات لجل ماينعفس شغلنا ..مب يمين ويسار على كيفج وبعدها يخرب وتقولين ان الطريقة فاشله هههههه



واخر شي نحط البودرة السائبة , وانتو بكيفكم لو بغيتو نوع اخر من البودرات بس انا احبه لانه رقيق وناعم

ونرسم الحواجب والحين العين جاهزة لوضع المكياج



ومن الممكن انكم تخلون رسم الحواجب لاخر شي يعني بعد وضع المكياج , بس انا رسمته لجل اوريكم

ومسامحه يا بنات جودة الصور مب لذاك الزود ,, ورسم الحواجب علسريع وباهت هههه بس لاني كنت مستعجلة وايد وماحبيت اتاخر عليكم بالدرس

بس راح اذكركم بشي يا بنات وهوا انا اذا بتحطون لون جريب من الحاجب او على مكان المخفي حاولو تخففو كثير الماء الي بالفرشة يعني يادوب لان اذا كانو الشدو مائي وبالفرشاة كثير ماء راح ينزال القلو

علشان جذي لازم نقلل الماء جدا جدا

بس مع وضع بودرة الاطفال وقلم الكحل الابيض والكونسيلر والبودرة ,,, يكون ثابت ,, لكن اذا استخدمتي الماء بكثرة راح يظهر الشعر مرة ثانيه

فلافضل انكم تسون مثل ماقلت لكم ,, بس اتمنى انكم ماتترددون لكلامي هذا وانا اضمن لكم يا بنات انه لمدة ساعاااااااات والله ولله مايتغير ابد ولا يكتل ولا غيره

وادري طولت عليكم وايد بس حبيت اخبركم لجل ماتطيحون في الاخطاء الي انا وقعت فيها هههههه

وإن شاء الله اتمنى انه يكون اعجبكم وتطبقونه لين ماينجح معاكم لاني عن جد ارتحت له

احسه شي خطير ومستحيل استخدمة
شكرا لك

ما فهمت فهموني

الا سمعت عنه وبالمشاغل يسووونه انا انصدمت

انا عندي خبره بشغل الكوافيرات ويوم شفته بصراحه اعتمدته بشغلي لأن بعض الزباين حواجبهم كثيره وسودا والخافي ابد مايخفيه حتى لو أخفاه يصير الشعر متطاير بس بالصمغ يصير ثابت مره حلو وماله ضرر بس مو اليوهو السايل لا الناشف اللي زي الروج

معرووووف الكوفيرات داااايم يستخدمووونه