تعالوا شوفوا اخر تطورات الخيانه عند زوجي

القصه طويله بس بحاول اختصرها لاني اتمنى كل وحده تقراها تشور على بحل او تفسير ولادعوه تبرد الخاطر تكفوون العشم فيكم كبير .. زوجي طول عمره مستقيم ومحافظ على صلاته وراح الحج 3مرات وانسان صالح طبعا مرينا بظروف صعبه ومشاكل لكن الحمد لله تمر بسلام وفرج .. وقبل 7شهور صار بينا مشكله بسب اخته ورحت بيت اهلي وتركته 4 شهور وكنا ناوين على الطلاق خلاص بس سبحان الله النفوس هدية ورجعنا حق بعض وفتكيت من اخته ومن مشاكلها وصرنا متفاهمين وحياتنا عسل وصار يعاملني احسن معامله وانا نفس الشعور المهم بعد كم يوم من رجعتي صرت اشووف زوجي يتكاسل من صلاتة وشوي شوي صار ما يصلي بالمره واستغربت وسئلته انت صليت يقول ايه مع اني متاكده انه ما صلى المهم نصحته فهمته حاولت معه ما فيه فايده يتعدل كم يوم ويرجع يقطع صلاته واخرتها صار يزعل اذا نصحته يشووف نفسه مب حاجة نصح المهم جاء شهر الخير شهر رمضان والحمد لله التزم بالصلاة في المسجد .. وفي اخر الشهر صرت كل ما اخذ جواله علشان اتصل منه (طبعا ما عندي جوال لانه رفض وانا قدرت رفضه)اشوف اتصال على اسم ق ومو اتصال1 او 2 لاوربي اكثر من 40 او 60 مره باليوم من غير رسايل تكون موجوده بالسجل وممسوحه من الرسايل ولقت بالمسودات رساله كلها حب وعشق ..شكيت بس قلت علشان ما اظلمه بتاكد قبل وفعلا عطيت اختى الرقم وطلبت منها تقول حق اخوي الصغير يتصل عليه (اخوي عمره 16 ) المهم اتصلت على وقالت ردت بنت ... ساعتها شفت الدنيا سودا وانصدمت قلت مب معقوله يكلم بنات ولا بعد في شهر المغفره مسكت نفسي بالقوه وقلت الصبر زين ونفسيتي زفت وربي نقص وزني في اسبوعين 7كيلو ومع ذلك ما بينت له غير الاهتمام الزايد فيه وبنفسي وبيتي قلت عسى الله يهديه لكن تطورت الحاله وصار طول الوقت سرحان ويفكر وما يتكلم معي الا لظروره واذا سئلته يقول ما فيه شي ومع ذلك سكت .. وفي ليله كنا بنام قلت له حط جوالك صامت قبل تنام قال لي لا انتظر مكالمه مهمه من فلان سكت وانا ميته قهر وما نمت وهو شوي ونام ولما صارت الساعه1ونص الا فيه احد ينغم على جواله مره و2 و3 طالعت الجوال والاقي المتصل ق والرقم من قطر ..فكرت شوي وعقب تسحبت ومعي الجوال واتصلت علي الرقم وترد بنت اتوقع عمرها 14 او 15 المهم اول ما سمعت صوتها انفجعت صار جسمي يرجف ودموعي غرقت عيوني كان عندي امل لين اخر لحظهبس للاسف .. رجعت اتصلت مره ثانيه وردت وقلت لها نعم وش تبين ما تستحين وما تخافين الله قالت لا بكل وقاحه عاد الضغط وصل حده وقالت لي انتي منو ؟ قلت انا زوجته وام عياله والغاليه اللي يتشرف يكون معها بكل مكان وعند كل الناس .. وانتي منو ؟ (الع....) اللي يتسلى فيها وبعدين يرميها مثل النعال ..تدرين شنو اسمج في جواله اكيد ما تدرين ولا ما كان اتصلتي مره ثانيه .. ليش علاقتج فيه بالخش.. لايكون مستعير منج ؟؟ عاد هي قفلت الخط على طول توها تعصب وانا صار لي 3 اسابيع ياكل فيني القهر والهم اتصلت 3مره وما ردتت ..طنشتها وجلست افكر وش السواة قلت مالي الا اصلي وبعد الفجر يصير خير والحمد لله صليت ودعيت..طبعا زوجي ما صحى حق صلاة الفجر وانا خبيت الجوال عندي وتركته نايم والساعه7 صحى مثل المجنون يدور الجوال وجاني يسئل قلت عندي وش تبي فيه غسل وجهك وتعال الفطور سكت وشوي رجع قال فيه واحد لازم اكلمه ضروري الحين قلت ما عليه اتركه وافطر المهم فطر وبعد الفطور ناديته بغرفه النوم وعيالي اخذتهم لغرفتهم وقفلت الباب علينا لاني ما ابي عيالي يقاطعون الكلام بينا المهم سئلته بكل هدوء ..تعرف بنت ؟؟ بنت بقطر ؟؟ وكل علامات التعجب والبراءه على وجه قال لا ليش تشكين فيني انا اخر واحد يسوي هالحركات ..قلت ورقمها اللي تتصل عليه 40 مره باليوم حتى بالشهر الفضيل ما ستحيت من ربك ؟والرسايل ؟ والبارح تنغم عليك باأخر الليل ولما اتصلت ردتت على بنت وش تفسيرك ؟؟تخيلوا انكر حتى السجل قدام عيوني يقول لا ما اتصلت وليش تفتشين جوالي وليش تتصلين منه وكلام كثير بس ما سمعته او ما استوعبته من شدة الصدمه واخرتها يقول كيفي انا كذا ما اخااف من احد واذا مب عاجبج الباب وطريق هلج تدلينه..طلعت من الغرفه مفجوعه اقوول هذا زوجي ولا شيطان يشبهه ..؟ فكرت كثير وبديت اجمع اغراضي وعيوني جفت من البكي وشوي خالتي تتصل على (طبعا هي اقرب وحده لي وونشتكي ونفضفض حق بعض )قلت لها كل شي وقالت لا تطلعين من بيتج وتخربينه علشان بنت شوارع وزجج ما يقدر يدافع عن نفسه وقلب السالفه عليج وكبرها (واجه الصايح بالصايح تنجى )قلت شسوي ؟؟ قلت خليج طبعيه مره اضحكي وسولفي مه عيالج ولا تهتمين فيه واذا كلمج على قد السؤال ردي حيريه خليه ما يعرف وش براسج وفعلا طبيقت كلامهاوبعد يومين جاني وفتح الموضوع وقال اسف وسامحيني وانت غاليه ومن هالكلام وانت فهمتي الموضوع غلط هذي بنت مسكينه مريضه وما عندها محرم وتبي احد يتصل على شيخ هنا بالرياض وياخذ لها موعد علشان تتعالج وما تقدر تجي بسهوله ظروفها صعبه وانا كنت بساعدها بس واذا تبين رح اتصل فيها وانتي تسمعين .. طبعا كلام ما يدش المخ ومسئلة يكلمها ما اقنعتني المهم فكرت شوي وانا ادري انه كل كلامه كذب قلت بعطيه فرصه كل انسان يغلط المهم تصلحنا وصار قمه في السنع معي ومشت الامور تماام بس ما كنت مرتاحه وجواله صار مقفول برقم سري ما اعرفه سكت وبعد فتره حلفته اذا يكلمها او غيرها وحلف بالله انه ما عاد اتصل فيها ولا بغيرها صدقته وامس بعد المغرب كنا جالسن ع النت وشوي الا فيه احد ينغم على جواله وعلى طول نط وطلع برا بالشارع وركب سيارته عاد انا استغربت بس قلت يمكن ينتظر احد عند الباب المهم انتظرت 20 دقيقه وما دش طلبت من ولدي الكبير يطلع يشوف رجع وقال ابوي يكلم بالسياره وما فيه احد عنده تجننت قلت معقوله ؟؟ مسكت نفسي وجلست ابرر له اعذار ودش بعد 40 دقيقه قلت له خير عسى ما شر قال لا ابد واحد من الشباب كان يبيني برا وبعدين اتصل على وكلمني بموضوع خاص سكت وانا اشوف انواع الوناسه على وجهه المهم طلع يسهر ويجيب اغراض وعادي ولما صارت الساعه 2 نام وانا ما نمت من القهر قلت لازم اتاكد واخذت جواله وسجلت احاوول بالرقم السري لحد ما فتح ورحت السجل لقيت الرقم وكان بدون اسم وكانت مكالمتين 27 دقيقه 5 دقايق جسلت الرقم ورجعت الجوال (طبعا بعد سالفه الخيانه الاخيره قررت اشتري جوال وشريحه واخبيها عندي بدل ما اتصل على اختي وانشر فضايحنا عندها ) المهم اتصلت على الرقم وردت بنت هالمره ما تفاجأة ولا كان عندي اي ردت فعل قلت لها انتي من الشرقيه ولا الرياض قالت لا بس ليش ؟؟ قلت حبيت اعرف (ال......من اي مكان ) عصبت وقالت انتي وانتي وانواع الغلط وقفلت الخط المهم ارسلت لها رساله نصحتها فيها وخوفتها بالهيئه وكتبت بدعي عليج ليل نهار ويارب تنفضحين .. وشوي وترسلرساله وتقول حرام عليج ليش تتبلين على .. صراحه خفت قلت ليش ما اتصل وافهم الموضوع احسن واتصلت وردت وتكلمت معها بقمة الهدوء سئلتها هذا جوالج ؟ قالت ايه قلت طيب روحي السجل وشوفي الساعه 8 منو اتصلتي عليه ؟ قالت ايه عرفت الحين قلت طيب ليش تقولين اتبلى عليج ؟ (طبعا الخطاء مشترك واكثر اللوم على زوجي ) قالت وربي هو اللي يتصل فيني وازعجني ويقول انه يبي يتزوج ويدور بنت الحلال.. قلت وانتي صدقتي هالكلام .؟ قالت لا قلت طيب ليش تكلمتي معه ؟وش تبين منه ؟ عندج مشاكل واخترتي هذا الحل ؟ قالت (وهنا الصدمه جد )انا متزوجه واحد اكبر مني 23سنه ومب مرتاحه معه وحياتنا كلها مشاكل وكنت محتاجه صديقه او احد يفهمني وهو اتصل على وتكلم معي بهدوء وكلامه مره محترم وما كنت ادري انه متزوج .. ساعتها نسيت مشكلتي وصرت انصحها واسمع مشاكلها بالتفصيل وبالاخير قالت وعد مني لج ما رح اكلم زوجج ولا اتصل عليه ابد .. بس تكفين ابي منج طلب اذا ممكن ؟ قلت امري (من جد شفقت عليها وقلت الله كريم يمكن الله يهديها واكون سبب)قالت ابيج تكونين صديقه لى اتكلم معج واشكي لج وربي مره ارتحت لج تكفين ..احترت وقلت لها يصير خير واللي كا تبه الله يصير بس انا ابيج عند وعدج لي واذا اتصل ارسلي له رساله (خااف الله في زوجتك وعيالك وعيب عليك عمرك فوق الثلاثين وتسوي هالحركات) قالت حاظره طبعا اهو قايل لها عمره 25ويبي يتزوج ويبي منها ترسل صورتها اذا ما فيها احراج وهو مشغول هالوقت يجهز بيته للعروس (احنا على وشك نقل حق بيت جديد اجار طبعا وانا انهد حيلي من التعب على نياتي )وقال لها رح اتصل عليج بكره صباح الساعه8 .. وقتها تذكرت قايل لي يبي يروح مشوار الصباح الى الدمام الساعه 7 ونص ورح يطول وانهيت المكالمه معها على اتفاقنا ولما صارت 7 ونص صحيته وعلى طول لبس وطلع حتى الفطور قال ما يبي وراح وانا فتحت النت وكتبت مشكلتي ومتحيره وش السواة مع زوجي والبنت ؟؟وربي حتى النوم طار على فكره ترى من 9 سنين متزوجين وعندي 2 عيال 8 و5 سنوات .. وزوجي هالفتره متحسن كثير معي (حاس بالذنب)ومدرررررررررري دلوني :44: