https://encrypted-tbn3.gstatic.com/i...LhOuFQm2OM0R_g
النهاردة بقي انا جايبة لكم استعداداتي لرمضان خاصة ان رمضان السنة دي هو الاكثر أجرا باذن الله
الصيام طويل و الدنيا حر
المهم
شوفوا بقي انا غسلت كل السجاد و هافرشه ان شاء الله ليلة اول يوم رمضان
دولاب المطبخ كله من جوة نزل و اتنضف بالديتول و حطيت عجينة صراصير جديدة
المهم بقي يا حلوين تجهزات و تفريزات رمضان
انا في حاجات كنت عارفاها و باعملها علي طول و حاجات اتعلمتها منكم
:40:
ياللا بلاش رغي كتير الصور اهي
1- الكوسة
جبت شوية كوسة حلوين عملت شوية للمحشي و التانيين جهزتهم لصينية كوسة بالبشاميل
قطعتهم و شوحتهم في زيت بسيط
2- جبت باذنجان عشان المحشي و فلفل و بردو جهزتهم
3- دمست حلة فول محترمة عشان السحور بقي و حطيتها في اكياس و علي الديب فريزر:pinklove2
4- جبت 10 كيلو طماطم و عصرتهم و سبكتهم و هووووووووووووووب علي الديب فريزر كمان و كمان عملت قمر الدين و حطيته في اكياس
5- البطااااااااااطس بقي اول مرة اعملها اتعلمتها منكم
جبت بطاطس و عملت شوية دواير للصواني و شوية صوابع للتحمير و حطيتهم في مية بتغلي فيها خل و نشا 6 دقايق و بعد كده علي مية متلجة شوفوا
فاصل و نواصل
لا تردوا بليز
و قسمتها في اكياس عشان اطلع علي طول
8- عملت الشيرة او السيرب بتاع الحلويات
الصور النهائية بقي في الديب فريزر
بصوا انا جبت لحمة مفرومة و عصجتها و قسمتها و شيلتها
كمان فراخ و قسمتها و تبلت منها للشوي
لحمة و قطعتها و قسمتها في اكياس
الخضار بقي جاهز لاني للاسف مالحقتش اخزن طازة
كمان عملت كفتة و صبعتها و شيلتها صوابع
تعالوا الصور
درج الخضار
الكوسة و الباذنجان و الفلفل و البطاطس
درج اللحمة المعصجة و الكفتة في الطبق اللي ورا ماكانش عندي اطباق فوم يومها :pinklove2
درج الاكياس
الطماطم و الفول و قمر الدين
درج الفراخ و اللحمة
درج الخضار و الشوربة
كل سنة و انتم طيبين يا احلي بنااااااااااااااااات
ما تنسوش تدعولي ربنا يشفي مازن و يهدي مؤمن و امه