السلاااااااام عليكم ورحمة الله وبركاته
أشلونكم يا بنات؟؟
بصراحه أنا شعري أنعدم بالمررررررررره من كثر التساقط والتقصف :09: وعجزت من أهلي ما يرضون أقص شعري يحبونه طويل لتحت الظهر :( وشكله مو حلو أبدا من النص للأخر كله مقصف وشكله يضحك :hahaha:
المهم قلت أنا جذي جذي شعري مقصف خل أعتني فيه جود أن شاء الله تشوف الوالده الفرق وتوافق أقصه :22:
المهم طبيعة شعري خفيف سريع التقصف بس حييييييييييييل ناعم أمانه تقولون ماشالله
لكن مو حلو بتقصفه وطويل بلا تدريج ملوع جبدي :eek:
المهم ذيك المره شفت أختي تطبع خلطات ووصفات من المنتدى وسوتلها وصفه من زمااااااان وخلتها ما تستخدمها عقب فتره طلع فيها عفن قامت رمتها بالزباله
من خذاها من الزباله؟؟ الخدامه وتخيلو أنها تستخدم الزيت يوميا وأهو معفن وعووووووووو :eek: بس شقولكم يا بنات
ماكملت سنه عندنا الحين وشعرها اللي كان شعرتين يلوع الجبد :09: صار كثييييييييف وناعم ويلللللمع لمعه تكسر العين وطال شعرها من كاريه لنص الظهر :angry2: <<<بتموت من القهر
والمشكله أنها تحطه يوميا بس ساعه وقت غسيل الملابس وتتسبح
عاد رحت لأختي وسألتها عن الخلطه قلت أنتي وشحاطه فيها اللي جذي انقلب راس الخدامه
وورتني خلطه بالمنتدى وبصراحه أهي زادت <<<لازم الزياده والا ننفقع خخخخخ
المهم أنا سويت نفس طريقتها وللأمانه أقولكم ريحة الخلطه طباخ وحميسه خخخخخخ بس صراحه شئ عجيب
المقادير <<<طبخه ههههههه:
5ملاعق نوى التمر (تنظفونه وتحمسونه مثل البن لحد ما يصير أسود وتطحنونه)
ملعقتين حلبه مطحونه
ملعقه صغيره حبه سوده مطحونه
ملعقتين كبار رشاد مطحون
ملعقه كبيره آس
ملقتين بودرة ثوم (تلقونها بأكياس بهارات مجدي ريحتها أخف من الثوم الطازج)
قشر موزه (بس القشر مانبي الموزه أنتوا أكلوها خخخخخخ :42: )
علبة زيت جوز الهند المعدن اللي لونها بنفسجي
علبة زيت دابر أملا المعطر
علبة زيت السمسم
علبة زيت الخروع
كوب زيت الذره عافيه
زيت صبار
الطريقه:
بالخلاط حطوا زيت العافيه مع قشر الموزه لين تختلط عدل
وبقدر حطوها مع باقي المقادير وطبخوها طبخه وحده بس (قشر الموز بسرعه يحترق)
وحطوها بعلبه وأستخدموها يوميا ساعتين
صراحه الريحه خايسه وأنا مو ملتزمه فيها بس لما أحطها براسي أجيب بيضه وأضربها بالشوكه حييييييل وأدهن شعري بالدهن وفوقه أحط البيضه وألبس طاقه وأحط ملفع قديم
ساعتين وأتسبح
الريحه بتظل بالشعر ماراح أجذب بس مع البخور والمخمريه تخف
أمس بنات رفيجات أمي يسألوني شاللي ملى فراغات راسج حتى لما ننحط أيدنا بشعرج مبين من فوق مليان ومتغذي وشعر يديد
ومن فوق حتى لو أخليه ينشف بالهوا يصير سييييييييده وحلو ومايحتاج سشوار
يالله كل وحده تدخل المطبخ تسوي اللي قلته وتدعيلي
صدقوني لو تلتزمون بهالخلطه يوم وترك 3 شهور راسكم بيغرق من الشعر بجد أن شاء الله
ولا تنسون ذكر الله وقراءة الرقيه الشرعيه عند دهن الشعر والمساج مهم
وكمان التغذيه
بالنسبه لي صارلي شهرين أستخدم بنتوغار واااااايد عاجبني وحلو
ملاحظه : في ناس يصدعون من الحبه السوده ممكن تستغنون عنها أما بالنسبه لي عادي
أي استفسار أنا حاظره
يلزم عليك تسجيل الدخول أولًا لكتابة تعليق.
الصفحة الأخيرة
و بروح سكن الطالبات وصعبه احطه هناك البنات بيطفشون من الريحه
عالعموم انا بحفظ الخلطه و بستخدمها فيوم من الايام
شكرا