السلام عليكم و رحمة الله و بركانه
اليوم منزلة لكم صور حلوياتي مع بعض الصور
بس ماصورت كل الخطوات للأسف
سويت حلى الورد بقوالب السيلكون وطلع خيااال وشكله يواجه ومرتب مررررررره
وطريقته تجيبين اي نوع كاكاو خام مثل جالكسي او غيره
وتذوبينه على حمام مائي وبعدين بالريشه تبطنين القوالب بالشكولاته
وحاولي تكثرين على الأطراف على أساس مايتكسر معك وانتي تطلعينه
ثم تدخلينه الفريزر لحد مايجمد
ثم تجيبين جالكسي فلوتات وتكسرينه بحجم فصلة الاصبع وتحطين في كل قالب حبه مثل كذا
ثم تصبين عليها خلطة جبن و نستله<<حوالي 6 حبات جبن مع نصف علبة نستله>>
وتحطين مقدار ملعقه في كل قالب مثل كذا:
واخر خطوه تجيبين بسكوت اوريو و تعجنينه بشوي حليب على النار ثم تسكرين فيه القوالب وعلى الفريزر الى وقت التقديم ..
وهنا شكله من جوااا
ومن جهه أخرى:
وهنا صور لثلاث انواع حلى
لأول:حلى البقدونس والجزر وفوقه جبن ونستله <<من كتاب ام عبد العزيز
الثاني: حلى مكعبات السميد بالشكولاته >>من كتاب ام ريما
الثالث:حلى الزبادي بس قبل الطبقة الأخيره صفيت بسكوت النجوم وصبيت عليه الطبقة الأخيره بعد مابردت شوي بشويش على اساس مايطلع الكاكاو الموجود بالنجوم
وهنا صورتهن:
واي سؤال عن اي طريقه انا حاضره
وعليكم بألف عافيه