عزيزتى اول شى اذا عندك مساحه فى الغرفه يعنى وايد كبيره ترى الموضوع يستاهل بس اذا الغرفه مساحتها مثلا 6فى 5 واقل ترى بتطلع وايد زحمه وانتى اخذى فكره وحده ترى بتطلع وايد احلى

ما شاء الله البنات ما قصروا و عطوا رايهم ...
شوفي حبيبتي الأفكار كلها على حدى تهببببببببببببل .. و الله العظيم روعه... بس صعب تنفذينها كلها مع بعض لأنها بتضيّع حلاها بتصير مزحومه و ماراح تحسين انتي اصلاً بالراحه فيها ...

بالنسبه للأرضيه بصراحه عاجبتني مرررررره لدرجة اني فكرت اسوي مثلها بس على شكل مستطيلات لأن غرفتي مساحتها 5 × 8 ... و فكرة الحمام برضوه حلوه عجبتني بس بالنسبه للجدران اسمحي لي اقول لج ان فيه بعض الديكورات تنفع حق المطاعم و المحلات و الفنادق بس ما تنفع حق بيوت بينما في ديكورات تنفع للجميع... بالنسبه للقماش اللي يغطي الجدار و الكور البلوريه ما خشت مزاجي ممكن الكور لما احاول اتخيلها اشوفها ممكن تكون حلوه بس القماش ما ينفع ...

آسفه حبيبتي اذا ضايقتج بنقدي مع اني مااعرف في الديكور شي بس هذا مجرد راي ممكن تهملينه و في الأخير سوي اللي انتي تقتنعين فيه و الله يوفقج ...

أختي الغالية بما أن لي سابقه في فن الديكور حبيت أن أدلي بدلوي بالاقتراحات الخاصة بغرفتك منها
أولا :
من ناحية القماش أنصحك ألا تضعيه أبدا لأنه شكل ( شعبي شوي ) وآسفه على التعبير الفكره حلوه لكن تطبيقها بالقماش غير ناجح يعني لو طبقتيها على جلد مثلا بلون ( بني ) نفس الدرجه اللي أنتي مختارتها في غرفتك كان أحسن وأضع بين يديك مثالين بسيطين لعرض الفكره .....
1 ـ تحضرين لوح خشبي مستطيل أو مربع الشكل ويكون مثلا متر ونصف في متر ونصف وتقومي بتلبيس اللوح بأكمله بالإسفنج وفوق الإسفنج جلد بني ( الدرجه المختاره ) وتضعين شناكير من الحديد ( معاليق ) في وسط هذا اللوح الملبس ولكن بشكل غير منتظم ] وبعد ذلك تضعين إيطار فخم من الخشب وتدهنينه باللون المناسب مثلا أخضر ( الدرجه المختاره ) في النهايه تخيلي الشكل بيعطيك شكل فخممممممم جدا بإذن الله وتستطيعين استغلال هذه الشناكير في تعليق بعض نباتات الزينه الطبيعيه الخضراء ( عشان كذا قلت إيطار أخضر بيكون فيه ارتباط )، أو تحف معلقه أخرىأو........

الفكره الثانيه
2 ـ تحضرين لوح خشبي مستطيل أو مربع الشكل ويكون مثلا متر ونصف في متر ونصف وتقومي بتلبيس اللوح من الأطراف فقط بمساحة 18سم تقريبا بالإسفنج وفوق الإسفنج جلد بني ( الدرجه المختاره ) بحيث تستطيعين وضع منظر في المنطقه النازله وتكون ألوان المنظر نفس الألوان اللي مختارتها في غرفتك ، وطبعا تحيطين اللوح بإيطار خشبي فخممممم ويكون لونه أخضر أو برتقالي أو ........

الشيء الثاني من ناحية الكور البلوريه :
الكور هذي صاير شكلها طفولي عشان كذا راح تفقد الغرفه فخامتها >>>>( الله يعينك يازهرة البساتين بتطلع عليك ثعلبه من الشاشه وتحوسك )
فتنفع الكور بشكلها اللي صورتيه في غرف الأطفال لكن إذا انتي عاجبتك مره مره مره ومصره عليها فنصيحه لا تضعيها بالشكل المرتب هذا ثبتيها على الجدار بشكل غير منتظم يعني مثل الدوامه الحلزونيه، أوالمذنبات ، أو الشكل اللولبي أو استغني عنها أحسن ( مُصره ههههه) والأفضل تضعينها في فازات زجاجيه شفافه وتوزعينها في أركان مختلفه من الغرفه أو تضعينها في فازه زجاجيه شفافه على استاند وتحتها مفرش من نفس الألوان وتنثرين مجموعه من الكورعلى المفرش ...

عموما هذي اقتراحات اتمنى انها تعجبك ووجهة نظر شخصيييييه واتمنى ما تتضايقين من نقدي والله يعينك ...

::شي جميل والله::

:: ذوقج رايع عزيزتي::


::بدويه رحيمه ::

كلام زهره البساتين حلو الدوائر احس انك بتملين منها بعد فتره بشكل:27: بس ماشالله عندك افكار ماشاالله بالهبل00<<<قلت ماشالله:17: