بالنسبه لأسئلتكم الحلوه يالغاليات بجاوبها عالسريع ....
الشغل نعم كله بيتي ما عدا اللقيمات للأمانه جايبتها جاهزه من وحده تسويه بالبيت ودايم اطلبه منها وروعه دايم لذيذ الله يعطيها العافيه
وجهزت معظم الاشياء من بدري يعني من الصبح لانه كان يوم خميس اجازه ومتفرغه للشغل وعلى العصر تقريبا كان معظم الاشياء جاهزه بس اللي يبغا له تتبيل مثل السلطات او ترتيب اجلته لين وقت التقديم ...والصواني بعد جاهزه بس دخلتها الفرن بالليل قبل العشاء .....والكبسه جهزتها على العصر وخليت الرز لين وقت العشا وبس ...طبعا ما انسى اهم شي اللي دايم تساعدني في التجهيزات شغالتي الله يعافيها ويصلحها ويبارك لها في صحتها ..اما بالنسبه للسمبوسه والسبرنغ رول والربيان اسويهم من بدري وافرزنهم لوقت الحاجه ..
بالنسبه للصحون والله صحن سلطة الفراوله جاني هديه بس شايفته عند ساكو وبسوق الدمام اذا انتو بالشرقيه شارع الحب عند آنيتي اللي عند المسجد .....
وبالنسبه يا بنات لتزيين الحمص والتبوله تراها والله سهله مره تسوينها بشرايح الخيار والليمون بس يعتمد على ذوقكم وخيالكم في التزيين ...ان شاء الله اشرحها لكم بالصور في المره الجايه .
ان شاء الله اكون جاوبتكم عن كل اللي ودكم تعرفونه واي استفسار انا حاضره لخواتي الغاليات ..
الصفحة الأخيرة
واسفه اسفه اسفه حبيباتي على التأخير .......
وان شاء الله راح انزل لكم الطرق كلها بموضوع منفصل عشان يصير اسهل لكم ولي
اشكركم من كل قلبي والله انتم اللي تشرفون بردودكم