منو فيكم تتوقع انها بثقتها بنفسها تقدر تخطف لقمة الأسد؟؟
اي الأسد الأسد.. ليش مستغربين!!
لا بعد مو أسد واحد .. تقدرون تنحشون مجموعة أسود
حبيت احط لكم الموضوع هذا علشان يعطيكم إلهام و يكون لكم حافز علشان اطورون فيه ثقتكم بنفسكم اللي عن طريقها تقدرون تحلون فيها مشاكلكم بعد التوكل على الله
وعلشان تخوفون الأسود
مثل ما تشوفون بالصورة اهني تقريبا 15 أسد توهم صايدين فريستهم وبدوا بافتراسها..وفي 3 رياييل يراقبونهم من بعيد مستعدين للتحدي
اهني بدأ التحدي وقاموا الرياييل و مشوا باتجاة الأسود بثقة تامه
اهني انتبهوا الأسود.. امبيه الاسد حده منصدم لوووووول .. شسالفه يا جماعة الخير!!!
ومع اصرار و ثبات الرياييل و ثقتهم بنفسهم انحاشت الأسود ..والله جدعاااان
واهني قبوا كلهم..لاحظوا الرياييل ما اهتزوا ولا خافوا و كملوا طريجهم ..الظاهر بايعينها
اهني الاسود بعد ما نحاشوا انخشوا ورا الشجر.. اسود على الطل
اهني الافارقه وصلوا للفريسة و قاموا يقصون قطعة لحم .. يمكن مرته متنسيه بفريسة اسود
خذوا اللحم وردوا بيتهم او عشتهم واهم مستانسين .. واعتقد قاعدين يتناقشون يا يسوونه مجبوس او كباب... يا عله عافيه على قلوبكم
ها اشرايكم ؟؟ يطلع منهم
بنات يمكن انتوا ما فهمتوا المغزى من موضوعي وانا يمكن ما شرحت الفكرة اللي ابي اوصلها لكم
انا ما اقصد ان كل وحده فيكم تروح وتجابل الاسود و تقط نفسها للتهلكة
اللي قصدته ان كل وحده عندها مشاكل او مخاوف مافي انسان خالي من المشاكل اللي متمثله في الاسود
اذا تميتي في مكانج بدون ما تتقدمين لمواجهة هذي المخاوف وبدون ما تعززين ثقتج بنفسج ترى ماراح توصلين لاهدافج او بمعنى اصح ماراح تتجاوزين هذي المخاوف وراح اتمين طول عمرج عايشه بقلق و خوف
لكن اذا استجمعتي قوتج و مشيتي بكل ثقه وواجهتي مخاوفج في الحياة او واجهتي مشاكلج راح تلاقين المشكلة هذي ما تستاهل كل الخوف هذا
والموضوع هذا مجرد مرجع تشوفينه علشان يعطيج دفعه وعزيمه للتقدم للأمام
قال الشاعر " ومن يتهيب صعود الجبال ..يعش أبد الدهر بين الحفر"