شيخه ياعيوني انا ثقيله ولي طلعاتي الخاصه مع اهلي وصديقاتي بس طبع خالتي اللي ماتجي تسلم تتكلم عليها عند الناس انها قاطعه فيني وحتى عند عيالها يعني تبينا نجي نحب راسها ونطلع ومالنا حق الجلسه ولا فنجال قهوه انا اروح ابي ماتمسك علي شي اسلم لله واطلع وترى مو بس التغير علي على سلفاتي كمان وانا ماادق عليهم بس سلفاتي يدقون يبون يجتمعون وهم يصرفون

طيب يمكن انتوااا

حريم الاخوان ماتفتحوا بيوتكم لهم وتعزمونهم ولا بغيتوا تتقابلوا تتقابلوا عندهم يمكن ما تساعدوهم بشغل البيت يمكن بيتهم صغيرر يمكن الاطفال يوسخوا ولا وحدة تشوف ايش وسخوا اولادهااا

يمكن بعضهم تحب تروح لهم بس ماتحب احد يجيها يمكن امة تعبت من الازعاج وبها العمر تبي ترتاح يمكن بيتها صغيرررررررر يمكن لازم في سبب

يمكن جيتكم ثقيلة تطولواااااااااااااااااااااااااا

موز انتي قلتي احيانا تباتوا وكمان تتعشوا يعني تعب وكلفة وهي حرمة كبيرة

الدفواة ياحبيلك اخر اجتماع عندي ولوتعزمينهم ماعندهم مانع يجون ويتعشون ويسولفون هي وبناتها بس يبون حريم عيالهم يجتمعن ابيتهم ولا يشاركونهم بالطلعات وهذا شي يقهر عزمت ومااحد عزمهم بعدي واللحين لنا شهور مااجتمعنا وماعندي استعداد اعزم مره ثانيه حتى زوجي يقول طنشيهم بس ودي اعرف السبب

الحرمة متعبية عليكم .. عاد شوفي من يعبيها ويشين خاطرها عليكم .. يا بناتها أو أحد حاسد نقل لهم كلام عنكم ..

رأيي تقولين لزوجك يعرف السالفة من امه ويصر عليها .. ويقولها انك ماعمرك جبتي طاريهم إلا بالخير وتحبينهم وتفرحين بشوفتهم .. وان كان أحد نقل لهم كلام عنكم فهو كاذب حاسد .