حيا الله بنات حواء وحريمها هذا ثاني موضوع لي في هالقسم ..
قبل كل شئ ادعوا يا بنات لأخواننا في غزة أن الله ينصرهم ويثبت اقدامهم ..
وساعدوهم بما تستطيعون من دعاء مع مداومة فعل الطاعات من مقاطعة للمنتجات من تبرعات من ترك المعاصي ...
أسأل الله أن يحسن خاتمتنا ويتقبل منا ومنكم صالح الاعمال ...
**************
حبيت اوريكم شغلي لأني لما اسوي كيك صراحة بس اسوية سادة بدون زينة ولا مقدمات ..
جو عندي أخواني الصغار وقلت خليني اسوي كيكة وازينها بلي موجود عندي وبالمرة افرحهم ..وماشاء الله أتأكلت وما بقي شئ وقالوا حلوة بس انا ما احب الحلى كثير <<<المهم ما عليكم بالطويلة ..
مقادير الكيكة مع الطريقة :
أول شئ نسخن الفرن وندهن الصينية بزيت ونرشها دقيق ..
نحط 4 بيضات في زبيدية وعليها كاس سكر وشوية فانيليا ونخلط بالخلاط الكهربائي أو ممكن باليد بس احسن الخلاط يخفقها كويس وبعدين حطيت ربع ك زيت و3 م حليب بودرة وم ونص ص بكنج بودر وكاس دقيق بالدفعات مع التقليب يالخلاط ليدوي ما نستخدم الكهربائي عند وضع الدقيق ...
وقسمت الخليط في 3 أوعية واحد خليته زي ما هو
والثاني اضفت له كاكاو بودرة والثالث نسكافيه (( النسكافيه عندي من أول ولا خلاص ما عاد بجيبه حتى أقاطع ))
وحطيته في الصينية من كل نوع على شكل حلزونات لحد ما خلصت الكمية ودخلتها الفرن لما استوت ...
خليتها تبرد وقسمتها نصفين عشان احشيها ..
مقادير الحشوة :
قشطة + ظرفين دريم ويب + 6 حبات كيري + نص كاس حليب بارد وتخلط جميع المقادير مزبوط وأخذت نص الكمية وحشيت الكيكة ..بعدين قطعت عليها قطع من الفراولة على شكل شرايح ..
والنص المتبقي من الخليط اضفت له ظرف كريم كراميل وخلطته وزينت سقف الكيكة <<الظاهر عمارة صارت :hahaha: وزينتها بالفراولة والهيرشي ..
ومعليش صورتها قبل ما تجمد قلت ألحق قبل ما تخلص
وهذي صورتها
***********************
بعد كم يوم صار سوء تفاهم مع :arb: وقلت خليني اراضيه بطريقة جديدة ومميزة
وعملت كيكة بما انه من محبي التوفي ..
وسويت نفس خليط الكيك بس خليته نوعين بدل 3 يعني خليته جزء سادة وجزء نسكافيه ..
المهم وحشيته بخليط (( ظرفين دريم ويب + مع نص كاس حليب بارد )) هذا كان الموجود..
وسطحها زينته بالتوفي والهيرشي(( أما الشئ الابيض الي تشوفوه في حواف الكيكة هذي زاد علي من حلى المراوح )) ...وقدمتها مع كاسة عصير فراولة طازة بالحليب ((نسيت ما اصور العصير ))
وبصراحة ابو الشباب قال حلوة بس السكر فيه زيادة
وهاذي صورتها
وسلامتكم
ترى اكتب لكم وعيوني مقفلة مررررررة نعسانة بس قلت كل يوم ااجل الموضوع ومدري متى بحطه...
وسامحوني على القرقر ...واستروا ما واجهتوا..
استودعكم الله الذي لا تضيع ودائعه