تعالوا شوفوا ايش ذكرياتي يوم 20/6

السلام عليكم ورحمه الله وبركاااااته
كيفكم ان شاءالله تكونوا بخير
بصراحه ماعندي مقدمات ولا اعرفلها اصلا حبدأ على طول:)
طبعا حكمل يوم الاربعاء 6 سنوات على زواجي ماشاءالله تبارك الله وفي كل سنه زي اليوم هذا أتذكر لمن جات النقاشه ونقشتني انا واخواتي وبعدين نمت شويه وصحيت والساعه وحده تماما بدات اطلع الحنا من يدي وفي وقتها اخوي وخالي الله يغفرله دخلوا واخوي من النوع اللي مايحب الحنا سلم وبسرعه دخل ينام اما خالي فقعد يقول ماشاء الله عروستنا نقشت ومن الكلام هذا وبعدين جاء يساعدني عشان الحنا كانت النقاش حاطه عليه ليمون وسكر عشان يثبت ولمن جيت اخرجه مارضي يخرج بسرعه ودائما اذكر الموقف هذا مع خالي في كل سنه بس العام كنت لمن اذكره ابكي عشان خالي ارتفع عليه الضغط ودخل في غيبوبه بس كان عندي امل ان ربي يشفيه ويرجع لنا وهذي السنه لمن اذكرته قده مااات الله يرحمه ويغفرله ويجعل مثواه الجنه قاعد6 شهور وهو مريض افاق من الغيبوبه بس كان وضعه مررره صعب ومو داري عن اللي حوله وبس على المغذيات وبعدين مات الله يرحمه ادعوله بالرحمه هو وابوي الله يغفرلهم وجميع موتانا وموتى المسلمين سبحان الله خالي هذا رغم الفرق اللي بيننا في السن بس كان مره قريب مننا حتى لمن كنت رايحه المستشفى وفيني الام الولاده الا صادفناه جاي عندنا بعد صلاة الفجر ولمن شافني قلي ادعيلي وقت الولاده الدعوه مستجابه وبعد كذا جاء عندي العصريه بعد 9 ايام من ولادتي وقعدنا ناخد ونعطي في الكلام قلي الله يرحمه انتبهي لنفسك واربطي بطنك وانتبهي لاكلك عشان تكوني تمام وجسمك مزبوط خليكي زي حرمتي شوفيها ماشاءالله عليها وقلت له لاتوصي حريص وبعدها بيوم لمن ارتفع عليه الضغط ودخل غيبوبه الله يرحمه ويغفرله مره وحشني ونفسي اشوفه :(اه لو يصير للواحد يوم يشوف اللي ماتوا ويقعد معاهم اااااااه معليش امنيه ما ادري كيف طلعت :icon33:
بس حبيت افضفض لكم قاعده لوحدي والابتوب قدامي فكتبت اللي في نفسي
اللهم اغفر وارحم جميع موتانا وموتى المسلمين واجعل قبورهم روضه من رياض الجنه واغفرلهم وارحمهم واكرم نزلهم واغسلهم بالماء والثلج والبرد ونقهم من الذنوب كما ينقى الثوب الابيض من الدنس وتجاوز عن سيئاتهم وجازهم بالحسنات احسانا وبالسيئات عفوا وغفرانا يااااااارب العالمين:44: