حبيت اكتب لكم هالشي يكون تحفيز اكثر لكل وحده قلبها اتقطع بسبب الاساءه على حبيبنا صلى الله عليه وسلم
انا يابنات شخصيا وبكل صراحه كنت مااحس بفايده من مقاطعه المنتجات وكان اهل زوجي دايم يحفزوني على مقاطعه المنتجات الاسرائليه
هالكلام طبعا قبل ماتسئ الدنمارك للرسول صلى الله عليه وسلم
المهم وكنت اقول انه مامنه فاايده لو انا قاطعت المنتجات الاسرائليه غيري ماراح يقاطعها
لكن سبحان الله
يوم ماسمعت بالرسوم والاساءه للرسول صلى الله عليه وسلم حزنت حزن شديد ويعلم الله انه قلبي اتقطع من هالشي فقررت اني اقاطع المنتجات الدنمركيه
وفعلا من وقت الاساءه الاولى الى يومنا وانا بيتي خالي من المنتجات الدنمركيه
حتى اولادي منعتهم من حلاوه كيندر وسن توب وجبنه بوك بالرغم من حبهم الشديد لها
امس بالصدفه دخل زوجي البيت ومعاااه 7 كراتين قشطه بوك قيمر !!!!!!!!!!!!!!!!!!
يوم ماشفت الكراتين ولقيتها بوك صرت اقوله مو حرام عليك مشتري كراتين من قشطه بوك الدنمركيه
قال انا ماشريتها
قلت اجل
تخيلوا وش طلع
يقول انه لما كان بالعمل جااه الموزع تبع قشطة بوك ومعاه سياره كبيره مليانه قشطه واغراض من شركه بوك
وصاار يوزع عليهم الكراتين بلاش
ليش ؟؟؟؟؟ لانه المحلات ماصارت تطلب من عندهم قشطه بوك ومنتجات دنمركيه
وحتى المحلات اللي تبيع منتجات دنماركيه او من شركه بوك اتكدست عنهم الين مانتهت صلاحيتها ومافي احد اشتراها
تخيلوا صار يوزع المنتجات بلاش لانه قربت تنتهي صلاحيتها ولا احد اشتراها
كان يقدورا يخفضوا السعر او يعملوا عروض بس ان شاء الله يكونون عملوا هالحيله علينا وماجابت نتائجهاا
المهم في لحظه ضعف قلت مسكين هالتاجر وش دخله يمكن هو انسان في حاله ماله ومال اللي صار
علشان مجموعه من ضعاف القلوب سفله وحقيرين يروح هو ضحيه
بس رجعت وقلت انه ان شاء الله بالمقاطعه يطيح اقتصاد الدنمارك وساعتها يعرف رئيسهم وحكومتهم كيف يرصدوا عقوبه رادعه لكل واحد يتجرأ على اشرف خلق الله وانه الحريه في الرأي لها حدود
ويعرف انه المسلمين ممكن تتنهب اراضيهم ويسكتوا ممكن تتنهب خيراتهم ويسكتوا ممكن يتقتلوا ويموتون عيالهم ويسكتون لكن لما يهان حبيبهم ورسولهم صلى الله عليه وسلم واغلى البشر مستحيل السكوت ومانملك الا المقاطعه
يابنات كل وحده تبدأ بنفسها
صدقيني لو كلنا بدأنا بالمقاطعه راح نشوف دايم هالعباره
فداك روحي يارسول الله