تعالوا شوفوا تصرفاتها واحكموا 😰😰😰

الأسرة والمجتمع

السلام عليكم
ابي رايكم في موضوعي بكل صراحه
اخر مره زرت اهلي تهاوشت بنتي عمرها 12 مع اختي في العشرينات مو متزوجه ..السبب ان اختي الله يهديها دااايم تحط صور اولادي في الانستغرام وانا ماحب احط ولا زوجي صراحه بالنسبه لي خصوصيه صحيح ان الناس تشوفهم اذا طلعنا لكن خصوصيه لما ينحط صور لبنتي مثلا وهي في غرفتها ومع اغراض جديده شرتها والا لاولادي وهم مثلا طالعين ومنبسطين في مكان معين والا حتى في البيت تنعرض مع غرفتهم والا ملابسهم الا شروها احس ان هذي من الخصوصيات مو لازم الكل يعرف ان بنتي والله ابوها شرى لها غرفة نوم جديده وتتصور مع طقمها والا اليوم طلعوا رحله حلوه ،،وجهة نظري ان هالاشياء خاص ولا الكل الا يناظر يحبنا والا يذكرون الله .. المهم من كذا ماحط صورهم ولا زوجي بعد ولا حتى شي خاص لنا ..فكلمت اختي ان زوجي رافض تنشر صورهم خاصه بنتي الحين كبرت وبحجبها ان شاء الله والثانيه متحجبه ،،لما كلمتها زعلت وتضايقت ولا مقتنعه بأفكارنا ،،فبنتي الكبيره دخلت على حساب اختي وشافت صور اولادي وبما فيهم بنتي الا قريب تتحجب عصبت بنتي وقالت لها ليش تحطين الصور وبابا مايرضى واحنا بنات ..وعندها رجال بعد في حسابها فاعصبت اختي مررره وقالت لا تكذبين ماعندي رجال وهو الحقيقه عندها بس حاسبتهم ان دكاتره وغيرهم يعني مو صداقه قلت لاختي ترى حتى لوووووو ماعندك رجال ممكن البنت نفسها اخوها يطالع والا زوجها عادي هو وش دراك وش بيصير فظلت معصبه وبنتي الا عمرها 12 ماسكتتت ظلت ترادد اختي لان هالشي من زماااان وكل شي حطته اختي غرفهم وتصرفاتهم وطلعاتهم ..ظلت تتهاوش مع بنتي وتقول مابتكلمها وخلاص بتحذفها من لحساب وطلعنا واختي شايفه نفسها صح للعلم اغلب الطلعات الا تصورها والمطاعم تكون معانا طبعا نمر عليها ونطلع وتظل تصور والا اذا جت البيت تدخل غرفهم وتصور ..وزوجي مقهووور قلت له سبق وكلمتها اكثر من مره تزعل وتعتبره كأنه قهر فيها مادري وش تحس فيه سيء مع ان تشوفنا مااانحط ولا شي من خصوصياتنا هي عارفه ان فيه من حولنا الا يحقدون وهي مو مخليه احد الا ضايفته حتى الا من اهل زوجي ..للعلم بان عادة ماتتعامل مع اولادي بلطافه بس تحط صور وتعلق والواقع ماتتحمل اي شي حتى ولدي الصغير (سنتين) لو يسوي حركه مو مقصوده ماتتصرف على طول تزعل وتصارخ وتقوله لا تكلمني مع انها اصلا مو مكونه اي علاقه معاهم ..شنو رايكم من الصح فينا. ؟
18
4K

يلزم عليك تسجيل الدخول أولًا لكتابة تعليق.

تسجيل دخول

منجو
منجو
أنتي الصح بصراحه هذي الأمور خاصه فيك ومن من حق أختك
تعمل هالشغلات بدون أذن منك فما بالك أنك نهيتيها عن هالتصرف
بصراحه غلطانه و قولي لها فلانه لو سمحتي أحترمي رغبتنا صوري ألي تبغين
ما نمنعك ولا علينا منك بس عيالي و بيتي فهالشي خاص بي
عن نفسي لا يمكن أقتحم خصوصية أخواني و خواتي و أحط لهم أو لأطفالهم صور
بدون أذنهم و أحب يعاملوني بالمثل و الحمدلله هذا إلي صاير
وبخصوص أنها تعصب على طفل بعمر سنتين معليش فوتيها و تغاضي
تصير هالأمور و تنحل بالهدوء و التفاهم
go_ogo
go_ogo
والله المفروض ياحبيبتي بنتك تحترم خالتها ايش ترفع صوتها عليها وتنافخ عيييب عليها وانتي قاهرك تصرف اختك ولا اهتميت لتصرف بنتك وعدم احترامها لخالتها المفروض انتي تكلمينها بهدوء وتنتهي السالفة بدون تدخل بنتك الله يهديك >>>>معليش لاتزعلين مني بس قهرتني بنتك
لينا وعدنان
لينا وعدنان
كلمت بنتي طبعا لكن بنتي وحتى زوجي زهقوا من كثر مايشوفون الصور تنشرهم والكل يعرف ان هاليوم مثلا طلعوا اولادي والا شرى ابوهم هالشي مثلا ..والمضافين عندها كثييير من ضمنهم اهل زوجي وانا اساسا اهل زوجي مو كلشي اتكلم فيه وبالنسبه لبنتي رغم اني كلمتها لا ترفع صوتها لكني متفهمه لها بعد من زمان وبنتي تقول لها لا تحطين صور لاسيما تحط صورهم من قبل من غير حجاب وبنتي متحجبه والثانيه بدت شوي تتحجب وتلبس عبايه وصورهم من غير حجاب ولا عبايه بنتي انقهرت لان تقول كيف كذا تنشر الصور وعدة مرات نتكلم
go_ogo
go_ogo
ياقلبي كلمي احد تسمع له اختك وخليه يكلمها او انتي فهميها ان زوجك زعلان من تصرفها وان شاء الله تتقبل اختك الواضح انها عنيده حبتين ومابتسمع كلامك وبالذات لما بنتك قامت تنافخ عليهايمكن هالشي استفزها وخلاها تتمادى والله يهدي الجميع
كليوباترا خان
كليوباترا خان
صراحه بنتك ليش تصرخ على خالتها علميها كيف تحترمها اكيد بنتك بها التصرف زادت عناد اختك واشوف لاتكبرين الموضوع وحليه بالهداوه والمفروض زوجك مايدري انا وجهة نظري كذا انا واختي نحل الموضوع بينا ........ هذا اختي يعني سندي وعزوتي