بصراحه انا جايبة لكم اليوم تطبيقي لكيكة الشوكولاته بطريقة الاخت العزيزه ام الذرابه
واتمنى انها تعجبكم وترى اول مره انزل حلا وبالصور وهاه ابغى تشجيع منكم لاتنسون :26:
هذا شكل الكيكه بعد الانتهاء منها
انا بصراحه غيرت شوي في طريقة الاخت ام الذرابه وباقول لكم على المقادير والطريقه اللي طبقتها
الاخت ام الذرابه سوت الكيكه بنفسها اما انا عاد عجازه !!!استخدمت كيك امريكانا بالشوكولاته
المهم نجي للمقادير:
2كيك امريكانا بالشوكولاته
3قشطه
3دريم ويب
ملعقتين حليب بودره مع نص كاس مويه
ملعقه كبيره نسكافه
للتجميل :2شوكولاته جالكسي ساده- فراوله طازجه -قطع شوكولاته الهيرشي المثلثات (حقة الكوكيز)
الطريقه :
1-نخلط في الخلاط الدريم ويب والقشطه والحليب والنسكافه ونخليهم على جنب
2-نقطع الكيك شرايح بعدين نجيب الصينيه اللي تفتح ونصف فيها طبقه من الكيك ونرصه شوي
3-نحط طبقه من الكريمه المخلوطه فوق اطبقة الكيك الاولى وننثر عليها قطع شوكولاته الهيرشي ويمكن تبدلونها باي قطع شوكولاته ثانيه
4-نحط طبقة كيك ثانيه وننكرر اللي سويناه في الخطوه اللي قبل
5-نحط طبقة كيك ثالثه وبعدين نحط عليها الكريمه المخلوطه وبعدين نبشر شوكولاته جالكسي عليها ونجملها
بالفراوله وبالهناء والعافيه
وهذي صوره تبين كيف شكل الطبقات
بصراحه يابنات الطعم خياااال لايفوتكم
مع الشكر الجزيل للاخت ام الذرابه
يالله عاد يابنات ابغى منكم تشجيع لاني اول مره اطبق شي من حواء واول مره انزل صور
واتمنى ان الحلا يعجبكم :26:
وبس خلاص تم بحمد الله:icon28:
ومره مرتب تسلم الايادي