تعالوا شوفوا حصلي ايه مع عملية شد ترهلات البطن

السلام عليكم تعالوا احكي لكم قصتي مع عملية شد ترهلات البطن
انا بعد ولادتي الثالثة واللي كانت ولادة قيصرية اصبح عندي بطن مترهل جعلت نفسيتي سيئة جدا وكنت بتكسف البس ولاني انا من الاشخاص اللي اذا زعلت تاكل بقيت دبة وزاد الترهل عندي وقررت اعمل ريجيم وكنت انحف الا المنطقة دي شكلها كان بشع المهم قررت اعمل عملية شفط دهون و كانت المفاجأة .......................................
:( الدكتور قالي مينفعش فيها شفط هيزيد الترهلات :icon33:
وحكي لي عن عملية شد البطن بطريقة جراحية وكنت بسال عليها كل الناس ومحدش كان بيفدني حتي الانترنت كان بيقول انها عملية بسيطه :09: مستفدتش كتير
مطولش عليكم توكلت علي الله وعملتها ببنج كلي واستغرقت العملية حوالي اربع ساعات ونص ولما فقت حسيت بالام بشعة مش عارفة منين من الجرح والا من مكان تاني بيألمني جدا تحت الجرح واللي اكتشفت ان معلق فيه شيء اسمه درنقة بخرطوم طويل جوايا ومثبت بغرز حوالي اربع غرز واضطررت اتحمل الالم ده اكتر من اسبوع وبعد كده زورت الدكتور وشالها وكنت فاكرة ان خلاص هيخف الالم لاقيت اني مكنتش حاسة الالام الجرح الاصلي علشان شدة الم الدرنقة والدكتور قال ان الغز الباقية مش هتترفع قبل اسبوعين كمان
:09: :09:
غير انه ربط بطني حاليا بحزام بشدة علشان البطن تأخد شكلها لازم اتحمله لستة اسابيع انا معرفش اذا كنت اقدر اعرض صور لبطني قبل وبعد العملية لكن اللي انا عايزة اقوله لاي حد عايز يعملها انها كانت مؤلمة وانا اصلا من النوع اللي بيتحمل الالم بشهادة الدكتور وده كان للافادة


ومنتظرة ردودكم علي الموضوع:11retcher