بعض التعليقات غريبه !! ومبالغ فيها شوي !!

وحده تقول ان الأحذيه تكلف 7ريال وتنباع ب 150 !! والثانيه تقول اخوي اشترى من

الصين البلايز على نص ريال ... ووزعها هدايا !!

بصراحه انا اقرأ وابتسم فقط :) لأني صاحبة محلات ملابس وعارفه ان هالكلام فيه

نوع من عدم الدقه - مع الأعتذار - لأن الواقع يختلف شوي ..

رحنا للصين وللشرق وتعاملنا مع مصانع بالجمله ورحنا لتركيا ولعدد من الدول ماشفنا

هالأسعار الي تحكون عنها !!

اما القطعه بنص وبريال فهذي موجوده عندنا هنا بديرتنا وكل يوم نشوف اعلاناتهم بالجرايد

وتسمى في العرف التجاري (( استوكات )) يعني بدل ما تنرمي تنباع بأخو البلاش .

طبعا للحقيقه

هناك كثير من التجار يبالغون في نسبة الأرباح ((خصوصا الماركات)) بس مهوب لدرجة

انها بريالين والا بعشره !!

بس فيه ارباح كبيره خصوصا الماركات

اتذكر في احدى الدول دخلنا محل نشتري منه بواقي جاكيت بالجمله بس اشترط علينا

انه يقص((الليبل)) او العلامه التجاريه الي على الجاكيت عشان حقوق الماركه التجاريه

واتذكر انها كانت ماركة - باربري - طبعا قلنا له مو مشكله شيل الأستكر ....وأخذنا الجواكيت

بسعر رخيص نوعا ما حوالي 50 ريال للجاكيت !!

ويوم عرضناها عندنا في المحل ما احد انتبه لها انها مودرن وماركه وكنا نبيعها بعد حساب

مصاريف الشحن والجمارك بحوالي 90 ريال ..وما مشى منها الا النص تقريبا !!

وكانت نفس الجواكيت تنباع في الماركات ب 380 ريال !! وفي التخفيضات ب 220 ريال !!


المهم ان البنات يبحثون عن الأسم فقط وليس الجوده او السعر وهذا واقع ..

تحياتي

حسبي الله ونعم الوكيل

صحيح واعرف احد المحلات المشهورة باحد المراكز

احيانا تقول نشري البضاعة ب30-40


وابد نحط صفر جنبها نقول ماركة!!!!!!!!!! وانتم اشرو



الله يعين بس تدرون بعض الحريم يستاهلن لهالدرجة حب للمظاهر وبعضهم على فكرة مو قادر راتبه يكفية

لكن كفانا الله شر المظاهر والغيييييرة اللي مامعه يبي زي اللي معه والربحان في الا خير التاجر


ومثل ماقالو التجارة شطارة

انا في امريكا وبالنسبه لملابس الاطفال يكون سعرها عادي يعني تلاقي القطعه ب 10 دولار او20 او 30,,,لكن في وقت التخفيض تنزل الى 6 او 7 او 4 او2 دولار واشتري البنطلون ب2دولارين ومع بطاقة التخفيض تنزل الى دولار ونص,,,يعني اتخيلو اشتري بنطلون وبلوزه ب4 دولار ورهيب شكله وماركه حلوه والفساتين ب6 دولار صراحه ببلاش يعنى اسعار السعوديه مبالغ فيها جدا ولان لقيو ناس يشترو فبتزيد الاسعار ,في كل شي غاليه السعوديه لكن في امريكا رخيص مع التخفيض وزياده بطاقات التخفيض والعروض.,,وبعدين لما تشتري من ملابس امريكا تلاقي الصناعه صينيه او هنديه اوعمانيه بس بمواصفات امريكيه علشان الايدي العامله برى امريكا ارخص لكن الخامه اجود ,,لان اشوف انا ماركة اكس او في امريكا مره غاليه ومكتوب الصناعه امريكا.

الله يكفينا الشر