تعالوا شوفوا حياتي اللي كنت احسب اني اكون اسعد وحده ...؟؟

السلام عليكم ورحمة الله وبركاته

اببداء قصتي كنت انا بنت ..من طلعة على الدنيا ...صغيره وجميله لدرجة ان بعض الجيران سموا على اسمي ...وعشت مرحلة الطفوله .........وطبعا من عرفت نفسي اني محجوزه لولد عمي .......وكان شي عادي ...بس من داخل وجداني احس اني مقيده ...(مع ذلك عشت الطفوله )..كبرت انا وخواتي وبنات عمي ....وكل اللي كبرنا ...انا من غير ما امدح نفسي ...الفت الأنتباه انا وخواتي.....تحركوا بعض اعيال عمنا ..يلمحون ...يبون يخطبوني ...(وهذا اكيد من غير اللي ما ندري بهم )لأنه ما حنا ساكنين بنفس الديره اللي به جماعتنا .....(ونكتشف طبعا سوالف واشياء وهم ما يقولون لنا ...حتى ندري من الناس ولا يعلمونا )..............وكانوا يردون على الناس انه محجوزه نبيه لولدنا ...ويردون الخطاب ........(بهذه الحاله ما قلنا انا وامي شي لأنه محجوزه وخلاص ...)مرت الأيام ...ومرت السنين ولا اخطبوا ...كل اللي كبري تزوجوا بين جماعتنا ..مع انه ماني كبيره ...بس اخروني واقطعوا نصيبي ..ما اخطبوني خطبه رسميه ولا اتركوني اشوف نصيبي .......وسبحان الله وكان كل اللي يردونهم او اللي يردونهم عن خواتي يبونهم يخطبون من بناتهم ....بس الحمدلله ما اخطبوا منهم ..(مو حسد والله ولكن قهر على سواوياهم اللي سووه بنا )...تخيلوا ما اخطبوني لولدلهم حتى كبر اخوه اللي اصغر منه وازعجهم يبي يتزوج وقام يطالب يبي يتزوج مع انه مو موظف واللي محجوز لي متوظف بس ما خلوه يخطب ........وكانوا يقولون نبي نزوج افلان ...والمحجوز ماحد يجيب طاريه ....بس استحوامن الناس المتوظف ما تزوج والقاعد بالبيت يتزوج ....واخطبوني وملكنا .....وعدت لأيام وكنت احاسب نفسي اكون اسعد وحده بين عمامي وجماعتي ......كنت احاسب اعيش الحياة الزوجيه حلوه كنت احاسب العروس تتهنئ بايام عرسه كنت احاسب ايام العرس احلى ايام العمر كنت احاسب الزواج عالم من الخيال والأحلام .....(لالا تقولون داخله جو ومتأثره ..ووتفكيري غلط ..هذا احساس كل عروس شي طبيعي)...قرب العرس ولا اعطونا المهر واعطو الناس اللي اخطبوا منهم لأخوهم ...وحنا يومن قرب العرس بشهر يالله ارسلوه لنا ..من ملكنا وتأخر المهر حسينا بدت النفوس تغير ...حتى المحجوز كان اذا طلع من دوامه يمر علينا ويقعد ومن ملك صار ما يمر علينا قلنا يمكن مستحي ..........المهم .
رحنا لهم عشان العرس قرب ..باقي كم يوم ........قعدنا عندهم بملحق ببيتهم .....وحنا اذا سافرنا نقعد عندهم بالملحق....

قعدنا عندهم .......المفروض خواتي يقعدن مع بنات عمي ويسولفن ويخططن وش يسووون مثل اول كل سنه اذا جيناهم ...هالمره هذه ......حنا بملحقنا وهن بغرفتهن وولااحد يصوت لخواتي يقول تعالن خل نسولف قاعدات بغرفتهن ....ويسولفن ويضحكن ...كسرن خاطري خواتي .....من بعيد لبعيد ...صاروا رسميات معنا حيل ...انا وخواتي من شفناهم كذا صرنا نقعد بملحقنا .....نشكي لأمي وامي تسكتنا .....ونقول يايمه البنات يعطونا نغزات فلانه سوت كذا وهذيك قالت كذا ويسولفن بنا ويضحكن ....وامي تسكتنا غصب .......بس يبن يشككنا بأنفسنا .....
قرب العرس باقي لليله وجلسنا معهن نبي نشوف كيف سون بالتخطيطات وعهن دفتر وقلم يكتبن الناس اللي يرقصون واكتبن خوات العروس بنات افلان ...وقالن خواتي وحنا خوات العروس وحنا اختنا مرت الكبير اذكرواسمنا اول وقرايب حنا عيب قالن ماله داعي .صعبه وما ادري كيف (اعذار بايخه )......(عاد انا وخواتي انوااااااااااااااااااااااااااع التحطيم والقهر ليه اول وحده من اخواتي وشكينا لأمي وامي كعادته تصبرنا .....سبحان الله جاء يوم العرس ...وتأخن خوات العروس الثانيه ..وتكلمن بنات جماعتنا والبنات اللي مع خواتي وقالن ارقصن انتم خوات العروس والحمدلله اظطروا اهم ينادون باخوات العروس (هذه الحركه له معنى ...ما يبون الناس تنتبه لأخواتي عشان ماحد يخطبهن ).....

نرجع بوقت الزفه .........تخيلوا وحطوا انفسكم بمكاني .....طلعنا من المشغل وصرت ببيت عمي الثاني ...عشان يزفونا انا واعروس الثانيه ...وجاء وقت الزه راحن الحريم الكبار 3 زفوا العروس الثانيه ......وانا ببيت عمي ما احد جاء .....حسينا انا وخواتي وامي انه المشاكل تزيد ولأهانه تزيد ...ما احد جاء يزفن اطلبت اختي الي اصغر مني بنات خوات العريس الكبار ارفضن قالن ما نقدر مكياجنا يخرب ..واللي تقول اعيالي ييحون (كلن تعذر ما تبي تروح )
راحت اختي الكبيره واللي اصغر مني ومشينا بسيارة الزفافين اللي يزفون ......وحنا منقهرات حتى بالزفه ما احد زفه ....حطوا انفسكم بمكاني .........امي ياحياتي حست بنا بس ساكته ما تبينا ننفعل .......هذه من ير الأشياء الصغيره اللي تقهر الأطفال الصغار اخوانا ...يرسلون اعيالهم يضربنهم ليه ملهم دخل ليه يضربنهم وهم ما عمرهم اضبرهم وش قصدهم يرسلون اعيالهم على اخواني ...هذه من غير الأشياء الكثيره اللي امي ما علمتني به عشان ما انقهر ........امي منصدمه وانا منصدمه واخواتي كذلك ما كأننا لحم ودم ..ليه البنغيير فجأءه ليه ان كانوا ما يبوني ليه ما اتركوني .......بعد العرس من بكرى العرس المسائيه ...انصدمنا انا وخواتي اكثر والله ما كأني عروس بنات عمي خواته رايحات جايات للغرفه الثانيه وانا ما احد طق باب غرفتي ...خواتي ما احد سولف معهن ....ونسمع نغزات منهم ...انه انا قويه (عوبى )وهذااااااااااااااااااااااااا كله ما همنا...........اهم شي انا وزوجي مستانسين ......



طلع وجي عكس اللي تخيلته طلع انسان ما يصلي يدخن .....انسان ما عنده احساس انسان لساااااان لأمه وخواته ...طلع انسان ضعيف شخصيه يطيع امه وخوته ............تخيلوا ماله شخيه والله العظيم شفت عليه اشياء ما اقدر اقوله والله بيني وبينه ولا علمت اهله ..........

احسه انه ما خذن على انتقام ...تخيلوا وحده عروس ماكأني عروس قدامه كأني وحده من خواته اروح واجي قدامه ولا يطااااالع لي في اول اسبوع من زواجنا .........بالله وش هالشعور هذا .....حتى السوالف ما يسولف امي تقول وتهديني تقول يستحي ماعليه ...وسكت ........وطبعا انا عروس يطلع برا الغرفه ما يقعد ويسهر بالليل ......تخيلوا يلعب بالبلاي ستيشن وصار يجيبه عندي .......صار اذا خلص بلاي ستيشن يتابع الكوره ......وهكذا .......واذا مره مل يطلع عند امه وخواته يسولف وكان هو قبل لا يتزوج والله ما احد يسولف معه ولا احد يعطيه وجه حتى بالجوال يروح يداوم ويرجع ولا احد يدق عليه ...من تزوجته صار غالي عليهم ..........
قلت ما عليه هذه بدايت الحياه ويبي له صبر .......وما اقدر احكم اللحين .......وكل ماله يتمادى هو واهله ...
صار ما يقدر اهلي صار حتى التمشيه ما تمشيت .....ولا رحت ويتعذر يقول ما ادل ولا عرف ...سكت ولا قلت شي ..

صبرت وكملنا 7 شهور ........وجيت عند اهلي مسيره ..وعلى اساس اسير وارجع ....بس خلاص انا بقرارة نفسي ماراح ارحع كرهته وكرهت طاريه حسيت اني انهنت حسيت انه ماخذن على انتقام ...حتى الجوال مايدق علي والا الرسايل مايرسل ...........

المشكله ما يشوفون اعيوب انفوسهم المشكله هو


شلون ما عنده عقل يفكر ما عنده احساس .؟؟؟


جلست مع نفسي اراجع احسابتي ابشوف انا قصرت معه بشي ابشوف انا ما خليت شي ما سويته والله العظيم اني ما خليت شي ما سويته ما قصرت معه ...حتى الرسايل ارسل له ولا كأني ارسل ....
حاولت اتذكر شي اتحسف عليه واقول يمكن اصبر على شانه ..؟؟مافيه شي حلو ولا شي اتحسف عليه وانم والله ياخواتي ما اذكر فيه اندم عليه ................................؟؟؟


خلاص يا اخواتي هذا قصتي باختصار شديد ولا فيه مواقف وش كثر ..........

عرفت واقتنعت ان زواج القرايب مافيه راحه (ومو على كل حال )
عرفت انه زواج المجاملات ما ينفع ..........ولا يدوم والضحيه المراءه
عرفت انه حياتي خساره تدوم معهم على ...خساره اركض وراه ولا هو عنده احساس تجاهي ......

قررت اني اطلب الطلاق .............فهل انا بعد كل هذا غلطانه........؟؟؟مع واحد ما يستاهلني ..؟؟