تعالوا شوفوا خبزتي السهله والخفيفه واللذيذه

السلام عليكم ورحمة الله
خبزتي اليوم انشاءلله بتعجبكم سهله وخفيفه وطعمها يمي يمي
شوفوا معي المقادير:

كاسين دقيق ابيض او اسمر الي تحبين
3 ملاعق كبار حليب بودره
ملعقه ونص طعام خميره
نص ملعقه طعام سكر
رشة ملح
ملعقه متوسطه حبه سوداء وشمر(الحبه الحلوه)
قليل زيت اقل من ربع الكوب

نقلب الكل ثم نعجنها بماء دافئ حتى تتكون عندك عجينه متماسكه وياليت تكون تلزق شوي نتركها ترتاح عشر دقايق ثم نفردها في صينيه مدهونه ونتركها في مكان دافئ والافضل انك تولعين الفرن عشر دقايق بعدين تطفيه وتدخليها فيه ونتركها تخمر ساعه كامله وهي مغطاه :)

نجي للنقطه المهمه :D خرجيها من الفرن وولعيه على اعلى نار عندك وانتظري عشر دقايق ثم دخليها الفرن وخليكي بجانبها لاتروحين ولا مكان حبسه :D
لانها بسرعه بتنتفش وتحمر من تحت وفوق

والحين بعلمك سر من اسراري مع المخبوزات :D

خرجيها وغطيها بالمينيوم (قصدير) او غطاء مناسب للصينيه انا بصراحه ماستخدم الا اكياس بلاستيك كبيره بس اتأكد انه مايلامس الصينيه لانها بتنحرق ويلتصق البلاستيك في الصينيه السبب :D

عشان نحافظ على رطوبة الخبزه فقط عشر دقايق نغطيها وراح تشوفين بعينك طراوة الخبزه انا اسوي هالطريقه مع كل المخبوزات طولتها وهي قصيره :39:

والحين غمسيها في احلى صوص زعتر وهذا من اختراعي يمي لذيذ وحامض اذا لقيت تفاعل منكم بكتبه لكم :)

وسويلك معاه شاي منعنش بالنعناع وجبنه وكولي وادعي لوالديني بالرحمه وانه ربي يصبرني على فراقهم خصوصا امي :(