السلام عليكم ورحمة الله وبركاته
اخواتي الغاليات ابي استشيركم وابيكم تعلموووووني
ببدأ باالسالفه على طول ...
امي كانت مريضه كان عندها كيس على المبيض بحجم راس الطفل وقالوا حريم لمي في وحده تمرخ
عن اكياس المبيض وعن كل شي وراحت لها امي واتفقت هي والحرمه اللي تمرخ وقالت لها خلاص
انا بمرخك بس بشرط قالت لها امي وش شرطك المهم قالت على كل شهر تدفعين لي 1500 لين تطيبين
قالت امي خلاص ان شاءالله واستمرت امي معها شهر بس وقالت الحرمه عطيني فلوسي وعطتها 1500
ورجعت مره ثانيه لها امي عشان تمرخها وماكملت معا الشهر الثاني لنو كل ماراحت لها امي تقول الحرمه هي تعبانه
وبعدين قامت تجيب اعذار واخر شي قالت لمي خلاص راح تمرخها وعلى كل جلسه 1500 وهي متفقه هي وامي على كل شهر 1500
وقامت وقالت لا انا مااتفقت معك على الاتفاق هذا انكرت امي حسبي الله ونعم الوكيل قالت على كل جلسه
1500 مو على كل شهر يعني يااخوات باالله هذا مو ظلم لاحولا ولاقوة الا باالله وامي تحلف باالله انها قالت لها على كل شهر 1500
موعلى كل جلسه 1500 يعني تخيلوا كل يوم تبي امي تدفع لها 1500 يوميآ لين يخلص الشهر وامي تحلف باالله
ان اللي عليها حق العلاج 650 من غير 3000 اللي دفعتها ومااستفادت شي من العلاج وراحت امي للحرمه
وسلمت على راسها وقالت لها هذي فلوسك اللي باقي في ذمتي ورفضت الحرمه الفلوس ورمتها بوجه امي
وقالت خذي فلوسك واطلعي من بيتي وطلعت امي من بيت الحرمه وهي تقول حسبي الله ونعم الوكيل والحرمه تقول ان الله بياخذ حقها من امي
واللي ابي اعرفه يااخواتي هل على امي ذنب ولا لا
ويشهد الله هذا اللي صار بين امي والحرمه ولازودت ولا نقصت مدري هل الحق مع امي ولا مع الحرمه الله يسامحها
والكيس اللي في امي لازم عمليه وهي ماتتحمل البنج لنو عندها امراض ثانيه الله المستعان والحمدالله على كل حال
دعوااااااااااااااااااتكم يااخوات ان الله يفرجها علينا وعلى كل مسلم يااااااااااااااااااااااااااااارب
حنونه طبعي @hnonh_tbaay
عضوة جديدة
يلزم عليك تسجيل الدخول أولًا لكتابة تعليق.
خير وين كل على جلسه 1500 وش شايفه امك قاعدة على كنز
لهادرجه اسغلال المرضى علشان الفلوس
انا رأيي من رأي الاخت عشنا وشفنا
ودوها الحرم وخليها تشرب موية زمم بنية الشفاء وتمسح اسفل بطنها بعد
والله يشفيها يارب
لهادرجه اسغلال المرضى علشان الفلوس
انا رأيي من رأي الاخت عشنا وشفنا
ودوها الحرم وخليها تشرب موية زمم بنية الشفاء وتمسح اسفل بطنها بعد
والله يشفيها يارب
الحوور11
•
معقوله في اليوم 1500 الله يشفي امك وان شاء الله ماعليها شي صراحه هاذي واضح من حركاتها انها متعرف شي الله يشفي الوالده وان شاء الله تلقى العلاج قريب سواء شعبي او طبي بس لازم تراجع كذا دكتوره وان شاء الله خير
الصفحة الأخيرة
المؤمنون عند شروطهم يعني هي شرطت 1500 في الشهر خلاص ليه الطمع
الله يعوض امك عن اللي دفعته وخليها تشرب زمزم بنية الشفاء