تعالوا شوفوا سر النضارة والصفاءالأبدية مو المؤقته بلا خلطات بلا هم

السلام عليكم

بقولكم على سر وانا ادري انكم كلكم تعرفون فوائده بس ماتسوونه لانكم تعاجزون وانا وحدة منكم بس اللى شفته انا الحين بويه صديقتي لا خلااص بستمر فيه على طول الدهر


والله خواتي رحت ازور صديقتي في العيد وماشاءالله ويها من نضارته صاااير لمبة تبارك الرحمن وعلى فكرة انا من عرفتها وهي ماشاءالله بيضة ونضارة فيها بس هذاك اليوم عجبتني واااااااااااااااااااااااايد بشرتها حتى خواتي قالوا نفس الكلااام

وصديقتي اساسا بيضة وايد لكن في بشرة بيضة بس منطفية مافيها نضارة(مثلي طبعا) لكن اهي نضرة جدااا وصااااااااااااافية مثل الزبدة مافيها حبوب

المهم لم سألتها تحلف تقولي مااسوي شئ عادي اتحمم بأي صابون

انا من كثر مااسمع عن فوائد المااااء وانه يصفى البشرة ويخليها نضارة ومايطلع لها حبوب على طول سألتها انتي تشربين ماي وايد قاتلي اييييييييييييييييييييييي؟؟؟؟

اشربه وايد في اليووم مواقل عن عشرة كاسات؟؟؟؟؟؟؟؟؟

هنيه خلاص عرفت السر

وخبرتها انتى ماتعرفين ان الماي شربه مفيد وصحي قاتلي اعرف بس انا اشربه عشاني اعطش وااايد هذا القصد والله خواتها مومثل بشرتها في النضارة بشرتهم تعبانة تقولي هي انااكثر وحدة اصلا اشرب ماي لاني اعطش وايد في الدواام وفي البيت

وانا صارلي اسبووع الحين اشرب ماي بس اللى سمعته المفروض 8 كاسات في اليووم اهي ماشاءلله تشرب يمكن 13 او 15 كاس خلاص لانها تعودت
بس انا ماقدر مرة وحدة باخذها شوي شوي

والله خواتي حتى لوتعرفون ممثلة فيلم تيتنك لم شفتها تخبلت عليها من النضارة والصفاء ونفس الشئ لم سألوها قالت السر في الماي
وحتى مرة خبيرة تجميل ياتني عمرها في الخمسين لكن تعالوا شوفوا نضارة بشرتها ليت وقاتلي انا اهتم اشرب ماي وايد مع تقشير وماسك كل اسبوع اشيل الطبقة الميتة


خواتي لو انتوا تبووون نضارة على طوووووول عليكم بالماي والتقشير كل اسبوع لكن نحن مشكلتنا نكشخ لم نروح مكان عرس او في العيد وياريت تكون نضرة عادية مافيها شئ