السلام عليكم
مثل ماهوا واضح في العنوان
اولا
ترى التصوير من جوالي خساره مو واضح مثل الطبيعه بس بتلاحظون الفرق
ثانيا
الاسباب اللي خلتني اعيد ترويبة الحمام الفلاش الله يقصم عمره عدم لي الترويبه
يقالي من زود النظافه كل اسبوع اغسل حمامي بفلاش الين راحت الترويبه تخوف
شوفوا وشلون
7
7
7
عاد اختكم كل يوم تقول لابو فارس جب باكستاني يصلحه وكالعاده يومه سنه ويوم جاء ذاك اليوم واقوله جب الترويبه معك بس ولاتجيب باكستاني قال ابشري يقاله بيشوف وش عندي واني ماراح اقدر اسوي شي بدون الباكستاني
المهم طلع ذاك اليوم لدوامه وكان شفته الظهر وانا اللي اشمر عن ساعدي واقوم اجيب عدتي
علبه بلاستيك اخلط فيها وقلفزات وفوطة ودخلت للحمام وانتوا بكرامه
اول شي خلطت الترويبه بمويه وخليتها شبه سايله كنها عجينة الكيك
وكبيتها في الحمام كله وفرشتها بيدي طبعا كني ادهن الارضيه وتاكدت ان الفراغات تعبت زين
شوفوا الصوره
7
7
7
بعدين تركته 5 دقايق وبليت الفوطه بمويه وعصرتها ومسحت اللي عالارض كلها وخليته الين اليوم الثاني عشان تنشف وغسلته
شوفوه بعد التنظيف
7
7
7
اتمنى قدرت اوصل لكم الطريقه واتمنى تكون الصوره واضحه تراه سهل ومايبي له شي
حتى ابو فارس قال احسن من الباكستاني وقلت له اجل هات 50 حق شغل يدي <<<خشت جو خخخخخخ
وسلامتكم
.........................
الطريقه بشكل اوضح عشان اللي ماعرفوا
اول شي اخلطي الترويبه بمويه في سطل بلاستيك وخليها تصير لاثقيله ولا خفيفه
اقرب له عجينه الكيك
طبعا انا استخدمت كميه كبيره مايقارب 15 كاس وبعدين كبيته في الحمام ودهنته بيدي كاني امسح الارضيه <<< تشبيه بليغ خخخخخخ
واحاول ارصه في الفتحات عشان يدخل زين
بعدين تركته شوي بس عشان يتماسك جوا الفتحات وبعدين بليت الفوطه مسحت بها الارض وهي معصوره
وتركت الارضيه كن مافيها شي بعدين سكرت الحمام وتركته لليوم الثاني وغسلته عادي
اذا تحسينه مغبر اغسليه اليوم اللي بعده ب101 الفلاش لا خلاص قاطعته 101 نفس الاداء بس اخف شوي عالترويبه
اتمنى يكون شرحي وافي
ماشاء الله عليك
نظافة وشغل مرتب
تسلم ايدك وتستاهلي الشعار
..